xoves, 19 dec 2019
Un total de 118 equipos de 36 clubs disputarán este torneo, fundamentalmente vigués (27 clubs) pero que tamén convoca nas súas cinco categorías (prebenxamín, benxamín, alevín e feminino en fútbol 8 e infantil en fútbol 11) a equipos de Monçao (Portugal), Val Miñor, O Porriño, Ponteareas e Cangas, ademais do Deportivo, Lugo, Ponte Ourense e Oporto para o Super 6 alevín do sábado 28.
mércores, 11 dec 2019
Abel Caballero entrega este mércores as axudas do Concello de Vigo aos deportistas de elite da cidade a través da Fundación VIDE, que dispón dunha achega total de 50.000 euros. O alcalde reparte becas a un total de 27 deportistas de alto nivel.
luns, 9 dec 2019
As mulleres con bolsa do Concello de Vigo xa son maioría entre os deportistas premiados este ano pola Fundación VIDE. O alcalde repartiu este luns as becas a un total de 20 menores de 23 anos (12 nenas e 8 nenos) correspondentes a 14 deportes e 14 clubs.
luns, 9 dec 2019
O Concello de Vigo acolleu este luns a presentación do novo proxecto educativo que levará a cabo da man do Club Amfiv de baloncesto en cadeira de rodas para acercar a 800 escolares de 12 centros aos deportes inclusivos. O programa comezará o vindeiro mércores, día 11 de decembro, e o Concello encargarse de trasladar aos nenos e nenas en autobús ata o pavillón de Bouzas.
xoves, 5 dec 2019
O Concello de Vigo acolleu este xoves a presentación do XXVIII Campionato de España de Dominó por Parellas que se celebrará durante o venres e o sábado no Hotel Bahía. O concelleiro de Cultura, Abel Losada, deu a benvida ás máis de 300 parellas participantes participantes e convidounos a desfrutar de cidade e da oferta cultura e de ocio nestas datas de Nadal. No acto tamén participaron o presidente da Federación Española de Dominó, Faustino Alegría, e o da Federación Galega, Manuel Seonae.
mércores, 20 nov 2019
O concelleiro de Deportes presentou a San Silvestre 2019, acompañado por representantes das empresas patrocinadoras e de tres deportistas que ademais son habituais da última cita atlética do ano. Así, o 31 de decembro, ás cinco da tarde, miles de corredores sairán de Policarpo Sanz, á altura de Velázquez Moreno, a nova ubicación para un evento considerado como unha festa para todas as idades.
venres, 15 nov 2019
O alcalde deu conta esta mañá da subvención de 224.000 euros a 15 entidades deportivas, sociais e educativas a conta da cesión gratuíta de espazos para que poidan desenvolver as súas actividades deportivas. As entidades beneficiarias son: Down Vigo, Vigo Deporte Base, Asociación Alborada, Doa Saúde Mental, Fundación Menela, Fundación Igual Arte, Tamiar Apamp, os IES Santa Irene, Santo Tomé, A Guía e Teis, o CEIP Altamar, Asociación Galega San Francisco e as Federacións Galegas de Taekwondo e de Tenis.
xoves, 14 nov 2019
O Memorial Belarmino Alonso de cros federado vaise disputar de novo o derradeiro domingo de novembro (día 24, 10:15 horas) en Molinos (Comesaña) co patrocinio do Concello de Vigo e a organización habitual do Comesaña Sporting Club.
martes, 12 nov 2019
A Media Maratón de Vigo disputarase este domingo con nova organización (Diesemm) e un percorrido lineal dende O Vao (rúa Canido, fronte ao campo do Coruxo FC) ata Sanjurjo Badía e rematando en Montero Ríos, á altura do Real Club Náutico de Vigo.
mércores, 23 out 2019
O alcalde de Vigo, Abel Caballero, aplaudiu o espírito transfronteirizo e colaborador da Semana do Atlántico Cidade de Vigo, un dos grandes eventos de vela lixeira da península ibérica, e ofreceu todo o seu apoio ao Real Club Náutico de Vigo, organizador da parte galega da serie de regatas en Vigo e Viana do Castelo.
