O concelleiro de Deportes, Manel Fernández, animou á cidadanía a acudir esta fin de semana ao Campionato de España de Automodelismo na categoría Pista 1/8 Gas, que recibe o circuíto municipal vigués, en Samil. Será a terceira das catro probas do circuíto nacional despois das de Valencia e Alcobendas.
A Xunta de Goberno validou o proxecto de renovación dos asentos da bancada de Río Baixo cun investimento de 260.000 euros procedente da Deputación de Pontevedra. Ao mesmo tempo, o Concello está a traballar na elaboración do estudio de viabilidade económico para o uso e explotación do Estadio Municipal, así como nos proxectos de Marcador, Gol e o aparcamento.
O Team Leader UVigo Motorsport desvelou este mércores o deseño do seu novo monopraza nun acto que contou coa presenza do alcalde Abel Caballero. O rexedor felicitou ao equipo e avanzou que tanto Concello como Zona Franca apoiarán o proxecto "durante 25 anos máis".
O alcalde de Vigo, Abel Caballero, acompañado polo segundo tenente de alcalde, David Regades, e polo concelleiro de Deportes, Manel Fernández, desexou "boa sorte" ao Club de Remo Coruxo, representado polo seu presidente, Darío Fernández, e polo seu adestrador, David Serodio, para a XXVI Bandeira Concello de Vigo de traiñeiras, que se celebrará este domingo día 8 no Vao (12:00 horas) co patrocinio municipal.
O alcalde de Vigo, Abel Caballero, animou á cidadanía a seguir en directo o XXVII Gran Premio Ciclista Teis, que se celebra este domingo (10,00 horas) na contorna do mercado de Teis para escolas e que rematará cunha proba de fondo en estrada para a categoría Máster.
O alcalde de Vigo, Abel Caballero, recibiu hoxe no seu despacho de Alcaldía á tripulación de catro sen timonel do Club Remo Vigo que disputou o Campionato de España de remo en Banyoles hai uns días, conquistando unha medalla de bronce en categoría júnior.
Abel Caballero eloxiou a posta en marcha de FestiMáis, unha iniciativa deportiva e de ocio organizada para recadar fondos para Bicos de Papel. As instalacións do Máis que Auga de Navia acollerán o sábado 30 de xuño todo tipo de actividades lúdicas e deportivas e o 100% da recadación solidaria será para esta asociación de pacientes oncolóxicos.
Abel Caballero presentou hoxe a sexta edición do Trofeo Concello de Vigo de pádel, organizado do 30 de xuño ao 8 de xullo polo Club Pádel Barreiro nas instalacións municipais de Máis que Auga de Barreiro e de Navia co patrocinio municipal e de Celtamotor.
O alcalde de Vigo, Abel Caballero, presentou hoxe a Vigo Cup 2018 (25 de xuño ata o 8 de xullo), que por segundo ano consecutivo incorpora o fútbol sala ás xa tradicionais competicións de fútbol e fútbol 7. A modalidade de sala comeza este luns 25 e rematará coas finais do domingo 1 de xullo, para a continuación, do 2 ao 8 de xullo, entrar en acción fútbol e fútbol 7.
O concelleiro de Deportes presentou hoxe a Nocturna de San Xoán (sábado 23, 21,00 horas), a proba máis histórica do Circuíto Run Run Vigo de carreiras populares e que pertence a esta selecta serie de eventos urbanos dende que o Concello a creou. Fernández asegurou que a de San Xoán "é unha das de máis tradición de Vigo" (naceu en 1984) e cualificouna de carreira "simpática, alegre, divertida e moi participativa", pois é a primeira do verán que patrocina a Concellería de Deportes.<br />