O alcalde, Abel Caballero, amosou a súa satisfacción por poder participar este mércores na presentación da sétima edición desta esixente proba deportiva, que o Concello vén apoiando desde o seu inicio, tal e como destacou o primeiro edil.
O alcalde de Vigo, Abel Caballero, presentou a quinta edición do Desafío Boot Camp Race, a celebrarse en Samil o domingo 6 de outubro (10:15 horas). A organización espera uns dous mil participantes.
O remo de mar regresa a Bouzas por segundo verán consecutivo para disputar o Trofeo Illas Cíes de remo de mar, que ademais será Campionato de Galicia da modalidade para skiff e dobre scull. A praia do Adro será o punto de chegada, mentres que as regatas disputaranse ante o espigón, podendo seguirse dende o paseo.
O concelleiro de Deportes e o director de Operacións de Máis que Auga, Fran Cortegoso, presentaron hoxe a iniciativa "Descobre o pádel co Concello de Vigo", un novo programa do 9 ao 22 de setembro nas instalacións municipais de Máis que Auga en Navia e Barreiro para a promoción da modalidade.
Durante a presentación das actividades desta edición 2019 da Semana Abanca na cidade, Abel Caballero felicitou á organización e aos clubs participantes por conseguir levar adiante un evento destas características.
O alcalde de Vigo, Abel Caballero, presentou hoxe a primeira edición da Carreira do Corazón Cidade de Vigo, que este domingo (10:00 horas) vaise celebrar en Navia, diante do complexo deportivo municipal (rúa Lamelas).
Este sábado (20:00 horas, O Vao) vai xogarse un partido amistoso entre actores, xornalistas e futbolistas veteranos baixo o nome de Fútbol por NUPA, que pretende obter fondos para unha organización sen ánimo de lucro nacida en 2006 que dá asistencia integral ás familias de nenos con transplante multivisceral, fallo intestinal e/ou nutrición parenteral, pero tamén a adultos que se atopan na mesma situación.
O alcalde de Vigo informou de que xa finalizaron as obras do campo de fútbol Baltasar Pujales e que o Rápido de Bouzas inaugurará as novas instalacións o domingo no partido de competición oficial ante o Choco. Ademais, explicou que esta semana licitáronse as reformas nos campos do Monte da Mina, San Andrés de Comesaña e As Relfas-Sárdoma.
Abel Caballero informou este mércores de que o programa de Escolas Deportivas Municipais incorpora a seis novos clubs da cidade e inclúe os dous novos pavillóns de Quirós e Romil. O concello adica case 400.000 euros ás dos vindeiras edicións da iniciativa.
Abel Caballero deu conta este luns da adxudicación das obras dos campos de fútbol do Monte da Mina, San Andrés de Comesaña e As Relfas-Sárdoma por un importe total de máis de 700.000 euros.