O alcalde felicitou á organización da proba e puxo en valor a bicicleta como deporte, como forma de vida saudable e como elemento de mobilidade nas cidades. Caballero, quen avanzou que nos próximos meses estará rematado o carril bici entre Teis e Samil, comprometeu o apoio do Concello á sexta edición da cita.
O espazo permitirá que os deportistas seleccionados para representar a España en competicións internacionais poidan adestrar en Vigo antes das citas e, para o alcalde, situará a Vigo como "cidade referente en Europa" desta disciplina.
As Escolas Deportivas xa contan con 4.400 inscritos distribuídos en 59 clubs ou federacións de 37 disciplinas diferentes. O alcalde explicou que esta práctica deportiva está subvencionada nun 50% cun orzamento que este ano se eleva a 320.000 euros.
O Memorial Belarmino Alonso de cros disputarase o derradeiro domingo de novembro (día 25, 10:30 horas) en Molinos (Comesaña) co patrocinio do Concello de Vigo e a organización do Comesaña Sporting Club.
Abel Caballero recibiu a unha representación dos clubs que participarán na Liga Concello de Vigo 18/19 de fútbol 8, que non é competitiva, prevista os sábados dende o vindeiro 10 de novembro ata o 1 de xuño no complexo deportivo municipal de Samil.
Trece entidades sociais, educativas e deportivas accederán de xeito gratuíto ás instalacións deportivas municipais o que supón para o Concello un desembolso de case 250.000 euros. Así o acordou esta mañá a Xunta de Goberno, nunha sesión na que tamén se deu conta da sinatura de 67 acordos de colaboración con outros tantos centros educativos para outorgar as bolsas de comedor.
A Semana do Atlántico presentouse hoxe mércores no Salón Nobre do Real Club Náutico de Vigo con total respaldo institucional, federativo e empresarial na que será a súa decimonovena edición. Por primeira vez esta iniciativa está organizada pola Fundación Club Náutico de Vigo, co apoio do Concello de Vigo e da Deputación de Pontevedra.
O rexedor anunciou que este ano haberá récord de participación, pois esta subiu un 20% sobre 2017 para superar o medio milleiro de judokas de idade cadete. "A Supercopa é un circuíto que se abre en Vigo, como debe ser", sostivo Caballero, que indicou que as seguintes citas serán en Avilés (outubro) e Pamplona (decembro).
Vigo contará nos próximos meses con catro novas dotacións deportivas o que supón un investimento de 6,5 millóns de euros. Hoxe mércores arrancou a obra no pavillón de Romil e a semana que vén comezará a de Quirós, ás que se sumará proximamente a rehabilitación integral dos dous pavillóns da grada de Río.
As Escolas Deportivas Municipais abriron un novo curso o pasado día 1 (ata o 31 de maio) e o Concello de Vigo oferta este ano 6.000 prazas no programa municipal de escolas deportivas, un milleiro máis que o ano pasado. "É bo ter dispoñibilidade e algunha marxe porque a matrícula ábrese cada mes". No curso 17/18 ocupáronse ata 4.600 prazas, é dicir, un 92% da oferta.