Abel Caballero informou este venres da resolución da convocatoria de subvencións a entidades deportivas pola súa actividade na pasada tempada, da que 185 clubs de base resultaron beneficiarias. Ademais, a Xunta de Goberno Local instalará no pavillón da ETEA unha nova pista para ximnasia acrobática.
Este xoves, 1 de outubro, comeza o programa municipal de escolas deportivas 2020-2021, que se prolongará ata o 31 de maio. O goberno de Vigo promove a práctica deportiva entre a mocidade de seis a dezaoito anos cunha iniciativa na que se inscribiron uns 3.000 rapaces e rapazas, segundo informou o alcalde.
O goberno local aprobou definitivamente o Proxecto de expropiación por taxación conxunta para execución da senda fluvial no río Lagares (tramo entre Manuel Álvarez e a Avenida de Madrid). Cun orzamento de 430.000 euros, o Concello expropiará 96 parcelas de zonas colindantes co río co obxectivo de dar continuidade ás sendas que na actualidade acompañan o curso do Lagares e que se rehabilitarán no seu conxunto nesta lexislatura.
Abel Caballero e Carmela Silva presidiron este luns o acto de apertura do novo recinto deportivo, custeado polo Concello e a Deputación, que comeza a súa actividade con xadrez, ximnasia e tenis de mesa. O alumnado do CEIP Doutor Fleming empregará tamén a instalación polas mañás.
O alcalde adiantou este venres a data de inauguración da nova dotación deportiva á que Concello e Deputación adicaron máis de dous millóns de euros. Para a próxima semana está prevista a apertura ao público dos campos de fútbol e o 1 de outubro, os ximnasios do Berbés e do Carme, con protocolos Covid.
O goberno local fomenta o deporte na cidade con 2,1 millóns aos que hai que engadir a subvención de gran parte do custo do uso das instalacións municipais. Esta mañá, a Xunta de Goberno deu luz verde ás axudas para deportistas de alto nivel cunha partida económica de 50.000 euros.
Abel Caballero e Carmela Silva procederon este luns ao acto de inauguración dos pavillóns baixo Río, no estadio de Marcador, completamente transformados por Concello e Deputación despois de adicar 1,5 millóns, parte dos preto de sete destinados por ambas institucións á reforma da bancada.
O alcalde de Vigo, Abel Caballero, aplaudiu hoxe que por vez primeira a Regata Mar de Maeloc Rías Baixas de Cruceiros remate este sábado cunha etapa final ás Cíes. A proba comeza este mércores (Vigo-Combarro), chegará ata a Ría de Arousa o xoves (A Pobra) e regresará a Vigo o venres para a etapa final coas Cíes como elemento diferenciador.
O alcalde de Vigo, Abel Caballero, anunciou hoxe que a Gala do Deporte de Vigo e a súa Comarca, aprazada o pasado 11 de marzo, celebrarase este vindeiro mércores día 5 ás 20:30 horas nos xardíns do Pazo-Museo Quiñones de León
Abel Caballero visitou este venres o segundo campus que se desenvolve no pavillón municipal das Travesas onde un centenar de nenas e nenos desenvolveron ao longo da última semana actividades deportivas de diferentes disciplinas. O rexedor felicitounos polo éxito da experiencia e recalcou a importancia de que se realizase sen incidencias coas normas de seguridade da nova normalidade. Lembrou tamén que o Concello oferta este verán 3.000 prazas nos campamentos infantís e outras actividades didácticas e de ocio.