Galiexpo Motor Show vaise celebrar do 1 ao 3 de febreiro no Instituto Feiral (Ifevi), segundo anunciou hoxe Manel Fernández, concelleiro de Deportes, que presentou o evento acompañado polo xerente do mesmo, Joaquín Portabales, e polo xerente do Ifevi, Arsenio Prieto.
A Subida ao Castro, presente no circuíto Run Run Vigo dende a súa creación, abre este domingo 27 (12:00 horas) dende a rúa Montero Ríos a edición 2019 o grupo de probas populares que patrocina o Concello en formato de campionato, segundo anunciou o alcalde de Vigo, Abel Caballero.
O alcalde fixo entrega este xoves de material para as escolas deportivas de distintas disciplinas deportivas, algunhas das 37 modalidades que o Concello ofrece xunto a case que 60 clubs. A práctica deportiva, subliñou Caballero, está subvencionada polo Concello nun 50%.
Abel Caballero participou este xoves na presentación dunha iniciativa que procura inculcar nos usuarios dos programas de Érguete os beneficios da práctica do deporte e do atletismo en particular. Co apoio dos profesionais Daniel Bargiela e Manuel Ageitos, o obxectivo é que os participantes poidan completar os cinco quilómetros da carreira "Érguete e corre" do próximo 31 de marzo.
O alcalde de Vigo recibiu hoxe a unha representación do Club Baloncesto Seis do Nadal, que lle presentou a Liga Linco de baloncesto escolar, de novo en marcha o vindeiro venres 25 no pavillón municipal de Navia. <br /> <br />
O alcalde de Vigo, Abel Caballero, asistiu este venres no pavillón das Travesas á entrega das medallas aos nenos participantes nos Xogos Polideportivos de Reis e tamén a entrega dos premios do Torneo de Balonmán organizado polo Club Seis do Nadal no pavillón de Coia.
Abel Caballero recibiu este mércores no Concello ao equipos alevín e benxamín do Sárdoma Club de Fútbol a quen lles entregou as medallas do VIII Torneo de Primavera disputado nas Relfas, ao tempo que conversou cos responsables da entidade así como cos pais dos xogadores que acudiron ao encontro.
A Xunta de Goberno Local deu luz verde á contratación das obras de renovación do céspede e das instalacións dos campos de Navia, Meixoeiro, Candeán, A Bouza e Baltasar Pujales. Amais, quedaron aprobadas as axudas á Sociedade Atlántida, Fútbol San Miguel e CD Valladares. Un total de 14 campos que mellorarán as súas instalacións coa axuda do Concello.
Abel Caballero presentou hoxe venres un acordo polo que a cidade recibirá dende 2019 a 2022 un torneo Open do World Padel Tour, o circuíto mundial profesional deste deporte. Do 5 ao 12 de maio de 2019, Vigo recibirá esta competición, tanto masculina como feminina, coas mellores e os mellores xogadores de pádel do mundo. O Ifevi, onde se montarán dúas pistas panorámicas, recibirá os cadros de honra do campionato.
O alcalde de Vigo, Abel Caballero, anunciou o carácter internacional, por segundo ano consecutivo, do Torneo Concello de Vigo de Nadal, que do 26 ao 29 deste mes pechará o 2018 a nivel futbolístico.