xoves, 10 nov 2005
A goleta Amorina levará abordo o venres, día 11, a representantes do comercio, o turismo e o deporte da cidade a unha visita guiada pola Ría de Vigo xunto á Concelleira de Comercio, Turismo e Deportes, Lucía Molares.
mércores, 9 nov 2005
A alcaldesa, Corina Porro, inaugurou hoxe mércores o "Village", un centro de actividades situado na Estación Marítima co gallo da Volvo Ocean Race. O "Village" acolle as carpas do Concello, da Xunta e de patrocinadores do evento, erixíndose no seu referente comercial e informativo para vigueses e visitantes.
martes, 8 nov 2005
A bahía de Bouzas converterase na noite do venres día 11 nun grande auditorio co espectáculo audiovisual "A festa do mar". Este evento, no cal actuará como figura central o gaiteiro Xosé Manuel Budiño, será o punto culminante das celebracións previas á saída da Volvo Ocean Race.
xoves, 3 nov 2005
O Auditorio Municipal será o escenario do sorteo da Lotería Nacional do sábado 5 de novembro. Loterías e Apostas do Estado apoia a Vigo con este evento, dándolle notoriedade xusto unha semana antes da saída do noso porto da Volvo Ocean Race.
venres, 28 out 2005
A concelleira de Deportes, Lucía Molares, presentou hoxe venres o novo patrocinador do Real Club Celta de fútbol sala, o Grupo Cometal, unha empresa con sede no polígono industrial de Silleda.
xoves, 13 out 2005
A Comisión de Seguimento de VIGO5 reuniuse hoxe xoves para determinar unha serie de actuacións coordinadas de cara á saída da Volta ao Mundo de Vela, que terá lugar o próximo 12 de novembro.
martes, 11 out 2005
A alcaldesa, Corina Porro, asinou hoxe martes o contrato polo que Vigo se converte nun dos portos europeos do Desafío Atlántico de Grandes Veleiros, competición anteriormente coñecida como Cutty Sark. Entre 60 e 80 destas embarcacións permanecerán aquí durante catro días.
martes, 11 out 2005
A alcaldesa inaugurou hoxe martes unha carpa erixida fronte ao Club Náutico para promocionar a Volta ao Mundo de Vela, competición que comezará o próximo 12 de novembro no porto de Vigo.
luns, 3 out 2005
A concelleira de Deportes, Lucía Molares, presentou a "Campaña Siareiros 05/06" da "Fundación Vigo en Deporte" para promover a asistencia dos afeccionados ós partidos dos equipos de elite da cidade de Vigo: R. Club Celta Vigo Urban, C.D. Vigo Fútbol Sala, Vigo Voleibol Valery Karpin, Xuvenil de Teis Frutas Nieves, ANFIV Vital Vigo, Vigo Stick Suis e o Academia Octavio Pilotes Posada.
martes, 27 set 2005
O Universidade de Vigo Rugby Club foi presentado hoxe martes coa presencia da concelleira de Deportes e o principal patrocinador do equipo, Valery Karpin, co obxectivo de potenciar este deporte entre os máis pequenos.