A asemblea xeral da Real Federación Española de Tiro con Arco outorgoulle á Concellería de Deportes unha placa de honra polo apoio amosado a esta modalidade deportiva na cidade de Vigo.
O Plan de infraestructuras deportivas Vigo 2002-2018 senta as bases para as actuacións no eido deportivo para os vindeiros 15 anos, constituíndo un instrumento racional de traballo cara a completar as dotacións da cidade. O concelleiro de Deportes, Santiago Domínguez, presentou o documento, que espera contar co consenso de entidades, clubes e grupos políticos no prazo de seis meses.
O campamento de verán organizado pola Concellería de Deportes, en colaboración coa Fundación VIDE, que se desenvolverá en Muíños, no Parque Natural do Xurés, amosará distintas tarefas da cultura tradicional. Así, os nenos asistentes coñecerán de preto labores agrícolas-gandeiros e afondarán na historia de Galicia, a través das pedras da Vía romana XVIII que unía as vilas de Braga e Astorga, ao seu paso pola Baixa Limia. Ademais, os rapaces practicarán deportes como o piragüismo, a bicicleta de montaña ou a pesca con cana acompañados de monitores.
A Concellería de Deportes organiza o campionato nacional de fútbol praia que se disputará do 8 ao 13 de xullo na praia do Vao coa participación de preto de 1.000 deportistas. A inscrición é gratuíta.
O concelleiro de Deportes, Santiago Domínguez, presentou a 25 edición do medio maratón popular que se celebrará o 18 de maio a partir das 10:30 horas.
O concelleiro de Deportes, Santiago Domínguez, presentou na Fundación Vide o XI Campionato Galego de Billar Pool que se desenvolverá os días 4, 5, 6, 11, 12 e 13 de xullo no Instituto Feiral de Vigo.
O padroado da Fundación Vide reuniuse para aprobar o balance e memoria de 2002 e presentou o orzamento previsto para o 2003.
A Fundación Vigo en Deporte, en colaboración con Viaxes Eroski, reparte 100.000 euros entre todos os clubes de Vigo, froito da venda de rifas entre milleiros de siareiros, ao prezo dun euro.
O IV Trofeo internacional "Cidade de Vigo" de carreiras de orientación celebrarase o 3 e 4 de maio organizado pola Asociación galega de clubes de orientación (Agaco) en colaboración coa Universidade e a Concellería de Deportes.
O alcalde di que a dotación será outro elemento que favorecerá a revitalización do barrio