<br />
venres, 16 abr 2004
Comeza o prazo para a presentación dos proxectos docentes do programa municipal de escolas deportivas para todas aquelas entidades deportivas que están a desenvolver o dito programa durante o actual curso, nas modalidades existentes.
martes, 13 abr 2004
O IV Campionato Galego Universitario de carreiras de orientación celebrarase o próximo sábado día 17 de abril organizado polo servicio de deportes da Universidade de Vigo en colaboración coa concellería de Deportes.
martes, 9 mar 2004
A concellería de Deportes, Lucía Molares, presentou o programa de axudas para as entidades deportivas da cidade coas que se pretende fomentar e promover a actividade deportiva mediante dúas liñas de subvención.
mércores, 18 feb 2004
A alcaldesa Corina Porro preside a "Gran Gala II Campaña Siareiros" da Fundación Vigo en Deporte na que se entregará as subvencións a 120 clubes de base.
xoves, 5 feb 2004
O Padroado da Fundación "Vigo en Deporte" Vide aprobou o balance de xestión do ano 2003 e o proxecto de presuposto para o presente exercicio que se eleva a 800.000 euros. Á xuntanza asistiu a alcaldesa, Corina Porro, como presidenta da Fundación e a concelleira de Deporte, Lucía Morales como vicepresidenta da mesma , así como os socios fundadores Caixanova, Pescanova e PSA Peugeot Citroen.
venres, 12 dec 2003
A Concellería de Deportes patrocina a XI Festa do judo infatil, Copa Deputación-Concello de Vigo, que se celebrará o 14 de decembro ás 12:00 no Instituto municipal de Deportes das Travesas. Esta festa lúdico deportiva está organizada pola Federación Galega de Judo Vieirasa Famu de Vigo e reunirá a 1.100 judokas da provincia menores de 14 anos.
mércores, 10 dec 2003
A Comisión de Goberno coñeceu hoxe o informe final sobre os resultados presentados pola empresa GOC sobra a auditoría técnica do Estadio Municipal de Fútbol de Balaídos e acordou encargar aos servicios técnicos municipais un anteproxecto das obras urxentes para fixar o custo do investimento co fin de contratalas.
luns, 17 nov 2003
O terceiro Torneo de Fútbol de Corpos e Forzas de Seguridade, organizado pola Policía Local de Vigo, xogará a súa final o 4 de decembro ás 17:00 horas no Pavillón do Carme. Os deportistas Pablo Beiro e Chano Rodríguez serán os encargados de facer o saque de honra da final do campeonato, adicado este ano ás persoas discapacitadas, con motivo do Ano Europeo do Discapacitado.
xoves, 23 out 2003
O MARCO, Museo de Arte Contemporánea de Vigo, trae á nosa cidade unha das disciplinas culturais máis novidosas do último século, como é o audio ou arte sonora. A actividades denominase "Encontros de Arte Sonora" e terá lugar ós días 25 de outubro e 29 de novembro.
venres, 17 out 2003
O alcalde, Ventura Pérez Mariño,recibiu os participantes da 20 edición do Torneo Cidade de Vigo de Hóckey sobre patíns que se celebrará o 17 e 18 outubro no pavillón central das Travesas e que está organizado Federación Galega de Patinaxe. O Alcalde de Vigo, Ventura Pérez Mariño, asegurou que o feito de que a cidade acolla o XX Torneo Cidade de Vigo de Hóckey sobre Patíns supón unha oportunidade relevante para espertar o interese deste deporte entre a xuventude e mostrou o seu agradecemento ás persoas que ano tras ano se esforzan porque este campionato siga sendo un dos máis importantes a nivel internacional.