Dada a situación epidemiolóxica e segundo as normas establecidas pola autoridade sanitaria, o Concello autorizará a presenza de público nas competicións de equipos de elite en instalacións municipais. O protocolo establece que non se superarán os 150 espectadores, sempre que este volume non supoña superar o 30% da capacidade do recinto e se garanta una separación interpersoal de 1,5 metros.
O alcalde realizou este mércores o balance da actividade deste servizo que atendeu a 400 familias e 1.270 usuarios e que reflicte "a nosa vocación de axudar ás familias". O goberno municipal destina 710.000 euros anuais a este programa.
Abel Caballero participou este xoves na visita que Carolina Darias, titular de Sanidade, realizou ás instalacións da compañía biofarmacéutica do grupo Zendal no Porriño.
A administración local conta con 9 traballadoras sociais máis, o que eleva a 40 o número de profesionais que atenden unha demanda que crece a causa da crise sanitaria. Deste xeito, o Concello aumenta case nun 30% o cadro de persoal.
O alcalde mantivo un encontro este mércores cunha representación de Vigo Comercio, que aglutina a comerciantes do Calvario, Bouzas, Torrecedeira, Teis, Zona Náutico e Zona Centro, e que lle presentaron cinco propostas de colaboración co obxectivo de incentivar o consumo nos establecementos asociados da cidade.
Unha enquisa realizada pola OCU en catro momentos temporais diferentes nas 15 cidades españolas máis poboadas conclúe que a metade dos vigueses considera positiva a xestión municipal fronte ao covid. Este porcentaxe baixa 20 puntos cando se pregunta pola labor da comunidade autónoma.
Museos, auditorios, bibliotecas e escolas municipais de Vigo regresan á actividade presencial coa entrada en vigor da modificación das medidas de prevención debido á situación epidemiolóxica de Galicia. Este mércores xa reabriu o MARCO e a Neira Vilas, mentres que o programa VigoCultura recupera o venres a actividade.
O alcalde de Vigo e presidenta da FEMP reitera que as comunidades autónomas teñen que axudar aos sectores afectados como hostalería e comercio: “O que pecha, paga”.
O Concello de Vigo vén de reformular as bases de concorrencia das axudas ao deporte para que os clubs poidan manter o apoio económico a pesares da redución da actividade imposta pola crise sanitaria. Deste xeito, o goberno local adxudicará achegas directas por valor de case dous millóns de euros para deporte de base e de elite .
Tralo encontro mantido este mércores con Jaime Pereira, presidente da Asociación de Hoteis de Vigo, que lle trasladou a "difícil situación" pola que atravesa o sector cun nivel "moi baixo de ocupación", o rexedor reclama á Xunta de Galicia que lles dea as axudas que lles corresponden e que non lles están chegando.