O músico vigués Manu Escudero ofrecerá o sábado 21 de maio no Teatro García Barbón un concerto solidario no que presentará o seu segundo disco, Caminando, e no que contará coa compañía de Cómplices sobre o escenario. Os beneficios serán para as asociacións de enfermos de fibrosis quística e ELA.
Promovida por Aspanaex, a Fundación Abrente e o Concello de Vigo, o alcalde invitou á cidade a sumarse e participar nesta proba non competitiva do Proxecto ENKI, que loita pola integración das persoas con diversidade funcional. Co apoio da Obra Social La Caixa e fins solidarios, a Carreira será o 29 de maio no Náutico e está aberta a todos os públicos.
O alcalde de Vigo, o conselleiro de Política Social e os responsables da entidade asinaron este luns un convenio a tres anos para a implantación na cidade do programa CaixaProinfancia, centrado na atención a menores de idade en situación de risco de exclusión. A acción centrarase na procura da mellora educativa para fomentar a igualdade de oportunidades.
Caballero explicou este luns que o acordo se materializa en 45.000 euros para tres vivendas que acollen a persoas drogodependentes, coa supervisión de profesionais, para axudalos na súa reinserción social. O goberno de Vigo inclúe ademais ao colectivo noutros programas municipais, como o plan de emprego.
Segundo informou este venres Abel Caballero, o goberno de Vigo aprobou hoxe as bases e a convocatoria do Programa Municipal de Axudas Extraordinarias a Familias para gastos de aloxamento, subministros e alimentación. O Concello reserva 1,6 millóns ao efecto e outros 800.000 euros nun fondo contra os desafiuzamentos.
A concelleira de Benestar Social, Isaura Abelairas, presentou esta mañá a XVII edición dos Xogos Autonómicos de Atletismo que serán o 30 de abril nas pistas de Balaídos. A competición atlética reunirá en Vigo a deportistas con discapacidade intelectual, adestradores, voluntarios e membros da organización. <br />
Con motivo do Día Mundial de Concienciación sobre o Autismo que se celebra este sábado 2 de abril, o Concello súmase á acción internacional "Ilumínao de azul" a petición da Fundación Menela. Esta media noite as fontes da rúa Aragón lucirán a cor azul identificativa da xornada.
Este martes, Abel Caballero informou da concesión de 247 axudas de emerxencia para familias que o precisan, salientando o abono "nun mes" de 34.000 euros para alugueres, aloxamento e hipotecas, de 36.000 euros para alimentación e outros 13.000 para pagos de luz, auga e gas. "Quero que a cidade estea orgullosa da atención que da a quen o precisa", subliñou o alcalde.
Abel Caballero mantivo esta mañá un encontro co director do Colexio Vivas, Juan Sánchez Vivas, para planificar os actos que se organizarán en Vigo con motivo do Día do doante, o próximo 10 de marzo. O rexedor alertou da importancia da doación de órganos e avanzou que o Concello cooperará coa instalación de carpas informativas na rúa Príncipe nas que se farán probas médicas, como a da diabete.
A concelleira de Política de Benestar, Isaura Abelairas, reclamou este xoves á Xunta de Galicia que "asuma as súas competencias" e dispoña vivendas sociais en Vigo para evitar os desafiuzamentos. O Concello, pola súa banda, outorgou no ano 2015 axudas a 142 familias para pago de hipotecas e a outras 1.358 familias para alugueres, ademais de apoio económico para abonar luz, gas e alimentos.