venres, 6 xuñ 2014
Abel Caballero deu conta esta mañá da incorporación de 34 persoas nos últimos tres meses ao Servizo de Atención no Fogar. Deste xeito, o Concello adica 2,9 millóns a atender a 657 dependentes que non teñén maís apoio que o municipal.
mércores, 4 xuñ 2014
O alcalde informou dos apoios outorgados polo Concello de Vigo na última semana a familias sen recursos, que totalizan uns 25.000 euros para 36 achegas de alimentación, 25 ao aluguer, 7 para auga, 2 para evitar desafiuzamentos pagando as hipotecas e 17 máis para abonar a luz. Caballero sinalou que o Concello de Vigo é o municipio de España "con máis política social".
mércores, 4 xuñ 2014
O alcalde trasladou hoxe o apoio do goberno local ao proxecto dun horto urbano ecolóxico que sirva para incorporar ao mercado laboral para ex toxicómanos rehabilitados. Logo dun encontro cos promotores, a Asociación Cidadá de Loita contra a Droga, Alborada, Caballero abogou por apoiar este programa de "sensibilización e de incorporacion ao mercado laboral de persoas que deixaron o mundo das drogas e precisan de incoporarse ao emprego".
venres, 30 mai 2014
O goberno local deu luz verde as bases que rexirán a concesión de 2 millóns de euros en axudas para vivenda, subministros e alimentación. Segundo explicou o rexedor, esta aprobación permitirá axilizar a concesión das achegas, unha vez que se aproben os orzamentos de 2014.
xoves, 29 mai 2014
Abel Caballero explicou este xoves que o goberno local, ao longo da última semana, concedeu a familias con escasos recursos económicos 20 axudas de emerxencia para o aluguer, 7 para abonar recibos da auga, outras 17 achegas para o pago da enerxía e 35 axudas para alimentación. O alcalde salientou que Vigo aplica "a política social máis de esquerdas que se fai en ningún municipio de España".
xoves, 29 mai 2014
Un convenio entre o Concello e a Asociación Solidariedade Galega co Pobo Saharaui permitirá que nenos e nenas viaxen desde os campos de refuxiados de Tinduf a Vigo para pasar os meses de xullo e agosto con familias de acollida. O rexedor explicou que se trata dun apoio "humanitario e político por unha causa xusta".
luns, 26 mai 2014
A concelleira de Benestar, Isaura Abelairas, fixo un balance positivo das actividades que dende o concello se están a promover en favor da igualdade e da defensa das mulleres maltratadas. En rolda de prensa explicou que son máis de sete mil as mulleres que participan nos obradoiros formativos e nos servizos de asesoramento municipais.
venres, 23 mai 2014
Abel Caballero e a presidenta de Médicos do Mundo en Vigo asinaron esta mañá de venres un convenio de colaboración por 50.000 euros. Deste xeito, o Concello subvenciona o 40% de CEREDA, o Centro de Reducción de Daños que esta ONG xestiona en Vigo para atender a drogodependientes. Esta colaboración súmase á partida orzamentaria que as arcas municipais destinan ao CEDRO.
xoves, 22 mai 2014
Abel Caballero firmou hoxe xoves un convenio coa Rede de Mulleres polos Malos Tratos, que supón un apoio económico por valor de 13.500 euros destinados a promover as actividades da rede e á loita pola igualdade e contra a violencia de xénero. Esta subvención, compleméntase con outras actividades municipais na defensa das mulleres vítimas de malos tratos como é o Centro de Emerxencia para toda Galicia, financiado integramente polo Concello.
mércores, 21 mai 2014
O alcalde de Vigo explicou hoxe mércores que en 2013 o Concello achegou case o 71% do orzamento de CEDRO, sendo a asistencia sanitaria unha competencia exclusiva da administración autonómica. Tal e como indicou, as achegas da Xunta pasaron de 695.357 en 2009 euros a 454.067 euros en 2013, mentres que o Concello suple eses recortes aumentando as súa achegas ano tras ano.