O alcalde asinou este xoves un acordo para a organización deste programa municipal de respiro familiar para persoas con discapacidade, nos meses de xullo e agosto. O Concello sufraga o "Lecer no Verán" con 31.000 euros, Caixabank achega 4.500 euros e a Central Radio Taxi e a Plataforma "Paso Vigo" prestarán o servizo de transporte "porta a porta" no mes de xullo.
O alcalde de Vigo cifrou hoxe en 8 millóns de euros as achegas municipais para os distintos programas sociais impulsados desde o Concello. Ante os medios de comunicación, Caballero explicou que, só nesta semana, se entregaron axudas a 42 familias para alimentos, carencia enerxética e aluguer. As 33 tarxetas da dignidade distribuidas supuxeron un importe de preto de 13.000 euros.
Abel Caballero mantivo este venres unha reunión coa responsable de AFAN, Hortensia González, entidade coa que o goberno de Vigo ten unha relación "moi fluida". O alcalde recordou que os apoios municipais aos comedores sociais da cidade se aproximaron ao medio millón de euros.
O alcalde de Vigo verificou hoxe que a Asociación galega de Enfermidades Musculares precisa dun local máis amplo para poder atender aos seus usuarios. Así o explicou o propio rexedor nunha rolda de prensa posterior á visita que realizou hoxe venres ás instalacións que o colectivo ten na rúa Párroco José Otero.
Co obxectivo de axilizar as solicitudes para o programa municipal de axudas extraordinarias para gastos de aloxamento, subministros e alimentación, o Concello ampliará as UBAS de Martínez Garrido e Coia os puntos de recollida de documentación que se suman á oficiña da Lonxa do Concello que xa funcionaba. Así o explicou o rexedor hoxe nunha rolda de prensa na que lembrou que o prazo de solicitude remata o 14 de xullo ás 13,30 horas.
O alcalde comprometeuse hoxe martes en cooperar con Cogami na creacion dun "gran" centro educativo en Teixugueiras, en Navia. Trataríase, dixo o rexedor logo de manter un encontro con responsables da asociación, de asinar un convenio para dar apoio para la puesta en marcha dun espacio de formación e capacitación para persoas con discapacidade.
Desde hoxe martes ata o 14 de xullo poderán solicitarse as axudas municipais de aloxamento, subministros e alimentación nunha oficiña instalada na Lonxa do Concello entre as 09,00 e as 13,30 horas. As achegas deste programa, dotado cun 2 millóns de euros, adxudicaránse en réxime de concurrencia competitiva.
Así o avanzou o rexedor despois dunha reunión mantida este luns cos responsables de ASEM, entidade coa que o goberno de Vigo colabora "de forma activa". Caballero indicou que lles felicitaron polas humanizacións realizadas, que lles facilitan os desprazamentos ás persoas con mobilidade reducida, explicou que ASEM é unha asociación de ámbito galego radicada en Vigo e na que a maior parte dos seus integrantes son vigueses. Plantearon apoio para conseguir un local e Caballero garantiu a cesión dun espazo para a súa actividade.
Unha unidade móvil do Centro de Transfusión de Sangue de Galicia estará instalada mañá venres na Farola da rúa Príncipe en conmemoración do día Mundial do Doador de Sangue. Segundo cifras oficiais, Vigo foi ano pasado a cidade con maior número de doacións, un incremento dun 10,5% respecto ao exercicio anterior.
Ao longo da última semana, segundo informou este mércores o alcalde, o Concello de Vigo concedeu 62 novas axudas de emerxencia para pagar o aluguer, a hipoteca, a alimentación e a enerxía. Nas últimas tres semanas, o goberno local deu 92 para comida, 69 para vivenda e 68 para luz e calefacción.