venres, 10 abr 2015
A Xunta de Goberno Local deu luz vede ás bases e á convocatoria das bolsas municipais de libros e comedor para o próximo curso escolar 2015-2016, cun investimento total do Concello próximo aos 2 millóns de euros. O obxectivo do equipo que dirixe Caballero é a concesión da axuda a todos os que o precisen e, como xa acontece neste curso, eliminar a lista de agarda.
xoves, 9 abr 2015
No marco do Día Mundial, e co obxectivo de facer fincapé na sensibilización e na prevalencia, a Fundación Menela celebrou este xoves no auditorio do Concello un evento lúdico e reivindicativo coa participación de decenas de rapaces da entidade. O alcalde, Abel Caballero, encabezou a representación institucional, xunto á tenente de alcalde, Carmela Silva, edís da Corporación viguesa e membros das administracións provincial e autonómica.
mércores, 8 abr 2015
O alcalde asinou esta mañá un convenio de colaboración de 114.000 cos Hermanos Misioneros de los Enfermos Pobres. O obxectivo, explicou na posterior rolda de prensa, é cooperar na financiación da Casa de Acollida que esta institución xestiona en Vigo.
martes, 7 abr 2015
O alcalde de Vigo asinou hoxe martes un convenio de 46.000 euros co Comedor da Esperanza, proseguindo coas achegas a comedores sociais da cidade aos que o goberno local adica 446.000 euros. En rolda de prensa, destacou que Vigo é o concello coa política social "máis intensa" de toda España, logo de asegurar que con apoio municipal no ano 2014 servíronse 161.000 comidas nas distintas ONGs da cidade.
martes, 7 abr 2015
O alcalde deu conta esta mañá do acordo de colaboración con Érguete de 45.000 euros para financiar os pisos de apoio á reinserción de ex toxicómanos en tratamento. Destacou o compromiso do goberno local na loita contra a drogodependencia que adica a Cedro un millón de euros ao ano, a pesar de que as competencias sanitarias no son municipais, senón autonómicas. <br />
luns, 6 abr 2015
O Concello triplicou as achegas en comedores sociais, bolsas de comedor e convenios con organizacións sociais desde o ano 2012, pasando dos 1,5 a 4,1 millóns. Hoxe mesmo, Caballero asinou con AFAN un convenio por 110.000 euros e o montante total que o goberno local adica a comedores sociais ascende a preto do medio millón de euros, segundo explicou esta mañá en rolda de prensa.
venres, 13 mar 2015
Abel Caballero deu conta da subvención de 606.039,31 euros para financiar os comedores e as actividades extraescolares dos colexios públicos de Vigo. A Xunta de Goberno tamén deu luz verde a un convenio con Erguete de 45.000 euros para o programa de pisos de apoio á incorporación social de drogodependientes.
xoves, 12 mar 2015
O Colexio de Educadoras e Educadores Sociais de Galicia (Ceesg) xunto coa Associaçao dos Profissionais Técnicos Superiores de Educaçao Social de Portugal (Aptses) organiza o I Encontro Luso-Galaico da Educación Social. Terá lugar en Vigo os vindeiros días 14 e 15 de marzo no Museo Verbum (Casa das Palabras).
xoves, 12 mar 2015
Abel Caballero participou este xoves da proposta, organizada pola Asociación Galega de Glaucoma coa colaboración do Concello, a través da Policía Local, impulsada co obxectivo de concienciar á cidadanía da necesidade de facer revisións oculares. Axentes nun vehículo poderán experimentar a vista con glaucoma cunhas gafas especiais, percorrendo un circuito habilitado na Praza do Rei.
venres, 6 mar 2015
Tal e como informou este venres Abel Caballero, o goberno local aprobou a concesión de subvencións a AFAN, Hermanos Misioneiros dos Enfermos Pobres e a Fundación Casa da Caridad por un importe total de 270.120 euros. O alcalde recordou que, nos últimos tres anos, as dotacións do Concello para comedores, bolsas de comedor escolar e organizacións sociais pasaron de 1,5 a 4,1 millóns.