martes, 2 mar 2010
O Ministerio de Medio Ambiente anunciou onte luns a validación do seu departamento ao traxecto da alta velocidade ferroviaria que unirá directamente Vigo e Ourense con Madrid. Xunto co túnel en construcción e a nova estación proxectada en Urzáiz, o alcalde valorou como "realidade imparable" o AVE directo a Madrid, e recordou o compromiso do ministro de Fomento de licitar conxuntamente proxecto e obra da variante de Cerdedo. <br />
luns, 1 mar 2010
O alcalde, Abel Caballero, asegurou este luns que o temporal "non tivo efectos serios" na cidade, deixando un total de 363 contedores caídos polo vento, outras 17 árbores e 172 incidencias que foron atendidas pola Policía Local, os Bombeiros e Protección Civil. O Concello mobilizou 200 efectivos durante a fin de semana e suspendeu temporalmente liñas de Vitrasa por "precaución". O alcalde felicitou a MeteoGalicia por alertar a tempo xa que "permitiu organizarnos e facerlle fronte" ao Xynthia.
luns, 1 mar 2010
O alcalde de Vigo, Abel Caballero, manifestou hoxe que vai a poñer en contacto os membros do Campus da Cidade do Mar con representantes do Goberno de España, en concreto cos dos ministerios de Educación, de Industria e de Innovación, a efectos de apoio aos diferentes proxectos do futuro centro.
venres, 26 feb 2010
O alcalde acompañou aos responsables do Observatorio de Emprego para Vigo e á súa área de influencia, formado por tres profesores universitarios e dous integrantes do Instituto Galego de Estatística, na presentación do Informe de Conxuntura sobre o Emprego e o Paro na cidade. O estudo conclúe que o paro en Vigo comezará a baixar en setembro, mentres que no resto de España a baixada non chegará ata novembro ou decembro.
venres, 26 feb 2010
A comisión de seguemento presidida polo alcalde estará operativa ininterrumpidamente desde mañá sábado ás 12 horas, momento no que as prediccións metereolóxicas avisan do forte temporal que pasará por Vigo. Este "seguemento permanente" da alerta estará formado pola Policía Local, Bombeiros, Protección Civil e os departamentos municipais de Limpeza, Vias e Obras e Parques e Xardíns. O Concello habilitará teléfonos de emerxencias as 24 horas.
xoves, 25 feb 2010
Abel Caballero reunirá na tarde deste xoves á Comisión Local de Seguridade para preparar o dispositivo municipal de seguridade e emerxencia de cara á previsión de temporal que chegará a Vigo o vindeiro sábado. Na tarde de onte mércores e pola noite, os servizos municipais retiraron 15 árbores caídas e 50 contedores, ademais de distintos elementos perigosos, como planchas do tellado do estadio de Balaídos.
mércores, 24 feb 2010
O alcalde de Vigo foi o encargado de clausurar o XV Seminario Ibérico de Química Mariña, punto de encontro de investigadores españois e portugueses que desenvolven a súa investigación no medio mariño. A cita, concebida como un foro de discusión e intercambio de ideas, tivo lugar do 22 ao 24 deste mes no Museo do Mar, e dedicouse o evento ao Doutor Fernando Fraga, quen levou a cabo en Vigo boa parte da súa traxectoria profesional. <br />
mércores, 24 feb 2010
Abel Caballero confirmou hoxe mércores que o Concello de Vigo estará presente como "gran dinamizador" na comisión de seguemento do novo hospital, convocada pola Consellería de Sanidade para o 3 de marzo. Pese a non ter recibida toda a información sobre o proxecto, o alcalde adiantou que Vigo reclamará na cita un hospital público, de financiamento público e que respecte o proxecto funcional e arquitectónico do anterior goberno autonómico.
Abel Caballero participou na mesa "Seguridade viaria nas grandes cidades"
luns, 22 feb 2010
O alcalde de Vigo, Abel Caballero, levou esta mañá o modelo de humanizacións vigués á II Xornada Parlamentaria sobre Seguridade Viaria e Prevención de Accidentes de Tráfico -celebrada na madrileña sala Clara Campoamor do Congreso dos Deputados-, dirixida á posta en común das experiencias locais co obxectivo de mellorar a normativa estatal sobre seguridade viaria.
venres, 19 feb 2010
Así o asegurou Abel Caballero despois da aprobación dos plans de seguridade e saúde das dúas melloras, validadas este venres na Xunta de Goberno Local. Ambas reformas suman un total de 630.000 euros de investimento e forman parte dos 8 millóns que o Concello investirá no rural neste 2010. Noutra entrevista con responsables de Decathlon, o alcalde apuntou que a entidade prevé ampliar a súa presencia na cidade.