A I ruta marítima xacobea "O Cabaleiro das Cunchas" está organizada polo Liceo Marítimo de Bouzas en colaboración co Concello de Vigo e hoxe ten prevista a súa chegada á illa de San Simón para partir logo cara a Combarro. Este novedoso camiño nace coa vocación de convertirse en tradición xacobea.
Debido ao grande éxito de participación nas pasadas convocatorias, nas que máis de mil persoas seguiron os encontros de España no Mundial desde a Praza de Compstela, desta volta o Concello decidiu habilitar a pantalla xigante en Castrelos. Os vigueses volveron a concentrarse o pasado sábado na Alameda viguesa (na imaxe) para seguir o partido que enfrontou a España e Paraguai e que lle deu á selección española o pase a semifinais. A convocatoria, na que estivo presente o alcalde de Vigo, volve a confirmar a boa acollida da iniciativa do Concello. O vindeiro mércores as 20:30 horas os seguidores da selección poderán presenciar o choque entre España e Alemaña no parque de Castrelos.
Abel Caballero asistiu á posta en funcionamento dos novos semáforos acústicos que permitirán as persoas invidentes ter máis información e facilidades á hora de cruzar unha rúa. Hoxe luns entraron en funcionamento en sete rúas da cidade e de ter boa acollida iránse incorporándo paulatinamente as calles do centro da cidade. O alcalde insistiu en que esta actuación ten custe 0 para os cidadáns porque a renovación é asumida pola empresa concesionaria.
A Praza de Compostela volve a acoller este sábado aos afeccionados da selección española que queiran seguir o partido de cuartos de final do Campionato Mundial de Fútbol que enfronta aos combinados nacionais de España e Paraguai, ás 20:30 horas. Tras o éxito de asistencia da pasada eliminatoria, o Concello volve habilitar na Alameda unha pantalla de grandes dimensións.
Unhas 15 embarcacións partiron hoxe pola mañán desde Vigo cara a Viana do Castelo, onde dará comenzo o percorrido da nova ruta marítima que organiza o Liceo Marítimo de Bouzas en colaboración co Concello vigués. Desde Portugal participarán preto de 25 embarcacións que zarparán o domingo en dirección a Bouzas
Abel Caballero transmitiulle hoxe venres á Federación Olívica de Asociacións de Pais e Nais de alunos (FOANPAS) que o goberno municipal xa fixo unha proposta oficial á Xunta na que se plantexa a reconstrucción do centro escolar na súa ubicación aproveitando todo o espazo dispoñible e duplicando a capacidade actual. O rexedor subliñou que a proposta é técnicamente posible e educativamente axeitada.
A cidade conta desde onte cun novo espazo de exposicións aberto ao público xeral e con entrada gratuita. O alcalde salientou a concentración de oferta cultural na zona que denominou a "milla de ouro da cultura" e amosou a súa satisfacción pola apertura desta nova fiestra ao arte.
Abel Caballero reuníuse coa nova directiva da Federación de Usuarios do Porto de Vigo, "dirixentes cos que comparto o grande proxecto do Porto de Vigo desde a sintonía absoluta". O alcalde transmitiulles que "non asumimos ningún deterioro do área pesqueira do Berbés" e amosaronse tamén de acordo na peonización do Berbés cun túnel que resolvería os accesos portuarios en todas direccións. Ademais, o Concello estudará alternativas á eliminación do tráfico pesado de Sanjurjo Badía.
Os traballos de mellora da zona deron comezo este xoves co derrubo das cinco infravivendas da esquina con Venezuela. A humanización contempla novas beirarrúas de granito, mellora do saneamento, máis zonas verdes, manterá o sentido único de circulación e as prazas de aparcamento actuais. A reforma, que inclúe a ampliación do parque e a construcción da nova rotonda do Bicentenario, estará concluída a finais de outubro cun investimento de 1,2 millóns de euros.
O alcalde de Vigo e presidente do Eixo Atlántico informou este xoves que reunirá ao Comité Executivo da entidade o vindeiro 16 de xullo para estudar o plantexamento do goberno portugués de cobrar nas autoestradas do norte de Portugal. Caballero agarda adoptar unha posición común contraria á proposta do país luso e cualificou de "intolerable" "penalizar aos vigueses nas súas viaxes a Portugal".