O alcalde eloxiou esta mañá o traballo dos organizadores da Feira Internacional da Industria Naval de Vigo, unha cita bianual que volverá ao Ifevi en maio de 2018. Antes de presidir o Comité Executivo de Navalia, o rexedor vaticinou o éxito deste encontro, unha vez que o sector empezou a superar a crise económica e o ataque do tax lease.
O 7º Congreso Internacional da Sociedade de Enxeñería de Fabricación reunirá en Vigo, entre o 28 e o 30 de xuño, a expertos mundiais e investigadores de referencia no sector baixo a organización da Universidade de Vigo, o Colexio de Enxeñeiros Industriais e ASIME coa colaboración do Concello.
Caballero afirmou esta mañá que o concerto da Coral Casablanca para reclamar o AVE directo a Madrid servirá para "demostrar a forza e o carácter" da cidade. Así o dixo nunha visita á montaxe do acto, logo de manter un encontro co presidente do Círculo de Empresarios de Galicia, quen lle trasladou o seu apoio nesta reivindicación.
Milleiros de persoas encheron a Porta do Sol na noite deste mércores para asistir ao concerto da Coral Casablanca e apoiar a convocatoria promovida polo Concello de Vigo esixindo aos gobernos de España e de Santiago o AVE directo Vigo-Madrid. Na súa intervención, o alcalde denunciou que Vigo, duodécima cidade peninsular, é a "única gran cidade de España sen AVE".
Despois de reunirse cos seus responsables na mañá deste luns, Caballero garantiu a colaboración do Concello para divulgar e promover o servizo que ofrecerá o Colexio unha vez por semana, un asesoramento xurídico de balde no ámbito sociolaboral e de seguridade social.
No marco do seminario "O plan de inversións para Europa. Unha oportunidade de crecemento para Galicia", organizado pola Comisión Europea en España e o Banco Europeo, Abel Caballero situou a Vigo á cabeza da aposta "sempre pola integración en Europa, como cidade aberta que somos" e destacou a capacidade olívica de xerar oportunidade das crises sabendo arriscarse cando aparece un novo escenario. Referiuse tamén á necesidade de cooperación entre os países e cidades, apuntando que "Europa é o futuro e a unión fainos máis fortes".
O alcalde e presidente de Zona Franca participou esta mañá na clausura do acto de lanzamento da segunda convocatoria Business Factory Auto, no Centro de Negocios Porto do Molle. Durante a súa intervención, destacou a "excelencia e a capacidade" dos nove proxectos presentados, e puxo en valor "a enorme capacidade de emprendemento deste territorio".
"Como é natural e como demandábamos", así explicou o alcalde o posicionamento do goberno municipal no consello de administración do Consorcio celebrado este xoves, apostando pola extensión do "gran traballo" que está facendo.
Na apertura da xornada organizada por Provigo baixo o lema "Vigo ante o seu futuro", o alcalde salientou a importancia "central" do sector naval e pesqueiro que cualificou como "fortaleza" da economía viguesa e animou a todas as "pezas" da urbe a traballar xuntos para afrontar os retos nun momento no que a relación dos sectores produtivos coa cidade é "excepcionalmente boa". Así, animounos a limar a fricción no caso de que a houbese e alentou a todas as partes a impulsar unha recuperación que "se ve e se palpa". "Vigo é e será tanto como sexa a nosa economía", apuntou ao inicio dunha sesión de arredor da pesca e o sector naval que contou coa participación de Javier Touza, presidente de ARVI, Marcos Freire, director xeral de Freire Shipyard e José García Costas, presidente da Cámara de Comercio de Vigo.
Tras a solicitude de reunión por parte do Conselleiro de Cultura para abordar a candidatura das Illas Cíes a Patrimonio Natural da UNESCO, Abel Caballero lamenta descoñecer os trámites realizados polo goberno autonómico.