luns, 6 xul 2020
O alcalde de Vigo, Abel Caballero, recibiu este luns aos representantes do colectivo Solidariedade Galega co Pobo Saharaui, responsables de coordinar o programa Vacacións en Paz que trae a Galicia a nenos e nenas todos os veráns. O rexedor explicou que debido a que este ano non poden levarse a cabo as viaxes pola pandemia comprométese a aportar unha subvención de 30.000 euros para alimentación. “Están en situación límite e desde o Concello queremos axudar”, sinalou.
luns, 6 xul 2020
Abel Caballero anunciou que os pequenos e medianos comercios que estiveron pechados durante os 90 días que durou o estado de alarma non terán que pagar o imposto de lixo. O Concello aplicará o desconto no vindeiro recibo, que non se abonará ata o 5 de outubro.
luns, 6 xul 2020
Abel Caballero pasou revista este luns aos equipos de seguridade e desinfección que traballan xa desde o pasado mes de xuño no control do aforo e hixiene dos parques infantís, biosaudables e pistas deportivas de Vigo. O Concello de Vigo destina case 360.000 euros a estes traballos durante tres meses para cumprir a normativa do Covid-19.
venres, 3 xul 2020
Abel Caballero afirmou este venres estar orgulloso de varias empresas de orixe vigués que actualmente investigan en busca de solucións contra a pandemia do Covid-19. O alcalde mencionou a recente visita do ministro Pedro Duque ao Grupo Zendal, fundado en Vigo e con sede en O Porriño, que recibiu case 1 millóns de euros de subvencións para dous proxectos sobre a vacina do coronavirus, e tamén felicitiou a Pharmamar, que logrou un antiviral eficaz contra a enfermidade.
venres, 3 xul 2020
O Concello estaría encantado de contar en depósito coa colección de lentes do doutor Tomás Camacho para organizar unha mostra permanente. Entre as pezas atópase un microscopio do século XVII fabricado polo fundador da microbioloxía, Antony van Leeuwenhoek.
xoves, 2 xul 2020
O Concello pon a disposición da Asociación de Familiares de Enfermos de Alzheimer 15 tabletas con conexión a Internet para o desenvolvemento do programa de prevención do deterioro cognitivo e sensorial “Cultiva a mente en rede”, que presentaron este xoves.
mércores, 1 xul 2020
O alcalde de Vigo izou este mércores en Samil unha das trece bandeiras azuis que recibiu este ano para as súas praias e sendeiros. Abel Caballero destacou que se trata da gran urbe de España con máis galardóns e informou de que o Concello dispón de máis de 100 persoas destinadas á seguridade e limpeza nas praias.
martes, 30 xuñ 2020
Abel Caballero informou este martes de que o Concello de Vigo xa instalou 156 aparcabicicletas ao longo de toda a ruta do novo carril bici e colocará outros 44 nos vindeiros días. Ademais, explicou que o novo ascensor urbano do Parque Camilo José Cela, que une Torrecedeira con Pi e Margall, xa está en funcionamento.
martes, 30 xuñ 2020
A demanda incrementouse nun 25% ata chegar ás 5.000 tarxetas concedidas. Desde o comezo da pandemia do Covid-19, o Concello financiou diferentes medidas de carácter social, económico e educativo para afrontar as consecuencias da crise.
luns, 29 xuñ 2020
Abel Caballero informou este luns de que o Concello de Vigo puxo a disposición dos grupos políticos o Auditorio ao Aire Libre de Castrelos co obxectivo de que poidan celebrar con seguridade os eventos relacionados coas Eleccións Autonómicas. Ademais, anunciou un novo pleno este mércores para sortear outras vez as mesas electorais debido ao gran número de renuncias recibidas.
