Despois dunha reunión coa dirección da Cooperativa de Armadores, o alcalde de Vigo anunciou un "planteamento conxunto ambicioso" para desenvolver proxectos de consolidación da actividade pesqueira en Vigo e o seu coñecemento entre a cidadanía. Caballero indicou que as accións concretas se plasmarán a partir do verán.
O alcalde de Vigo recibiu este mércores á nova diretiva da Asociación Galega de Empresas de Enxeñería, Consultoría e Servizos Tecnolóxicos (AGEINCO). Caballero salientou a "capacidade de xeración de emprego de calidade e valor engadido" deste sector e adiantou que ambas entidades colaborarán na organización a finais de ano dunha "gran reunión de profesionais" na cidade.
O Concello coopera na organización dunhas xornadas profesionais de defensa do laboratorio no novo hospital de Vigo que se está a contruir en Beade. O Auditorio Municipal acolle esta tarde un congreso científico con expertos dos máis prestixiosos hospitais de toda España.
O goberno local sumase ao recoñecemento que a Fundación 10 de Marzo e CCOO organizan o próximo 10 de xuño no Auditorio Afundación aos avogados laboralistas Elvira Landín e Fernando Randulfe. Na presentación da homenaxe, Caballero destacou o compromiso destes profesionais cos dereitos dos traballadores xa na etapa do franquismo. <br />
O rexedor avanzou esta mañá a colaboración do Concello na organización dunhas xornadas profesionais de defensa do laboratorio no novo hospital de Vigo que se está a contruir en Beade. Serán o 8 de abril no Auditorio do Concello e a entrada será libre.
O rexedor trasladou o seu "total rexeitamento" polas cinco mortes por violencia de xénero rexistradas en España en menos de 24 horas. Logo de manter unha reunión coa presidenta da Rede de mulleres veciñais contra os malos tratos, Caballero comprometeuse a asumir os recortes que está a realizar a Xunta na loita contra a violencia machista.
Abel Caballero amosou a súa satisfacción porque Vigo retome a súa conexión aérea con Londres. En rolda de prensa, explicou que esta nova ruta, con destiño á terminal de Luton, arrancou o luns cunha ocupación do 85%, avanzando que o voo da proxima semana está completo.
O alcalde de Vigo informou da remisión este martes da documentación técnica dos proxectos de obra de modernización do estadio de Balaídos, cara ao desenvolvemento dun convenio entre o Concello e a Diputación que incorpore ao ente provincial á reforma das bancadas de Río e Tribuna, xa iniciadas polo goberno local e o RC Celta, respectivamente. É unha "moi boa nova para esta cidade", subliñou Caballero.
Abel Caballero avanzou este luns a elección do xuiz Ventura Pérez Mariño como pregoeiro da Festa da Reconquista deste ano, quen foi alcalde da cidade e maxistrado da Audiencia Nacional, "un home do mundo das ideas, do mundo da cultura" que "sempre estivo na súa cidade, traballando por Vigo", asegurou o rexedor vigués.
Os días 20, 21 e 22 de marzo, o V Salón do Vehículo Clásico e de Época abre as súas portas no IFEVI e amplía a oferta expositiva de motor xa dispoñible co XXIV Salón do Automóbil e Motocicleta, poidendo o público gozar de ambos coa mesma entrada. O alcalde invitou á cidadanía a achegarse ao recinto feiral e gozar desta "gran confluencia da modernidade e da tradición" no mundo do motor.