O alcalde lanzou este mércores unha seria advertencia no caso de que existan incumprimentos da normativa para a desescalada da pandemia do Covid-19. Caballero insiste en que deben gardarse as distancias nas rúas e nas terrazas dos establecementos hostaleiros. A Policía interviu este martes na Praza de Independencia.
O MARCO celebrará o próximo luns 18 de maio o Día Internacional dos Museos con actividades na rede dirixidas a distintos públicos. O lema elixido para este ano é "Museos para a igualdade: diversidade e exclusión".
Desde que o Concello habilitara unha sección adicional dentro do voluntariado municipal con motivo da crise sanitaria, xa son 1.217 as persoas que cooperan la realización de compra de alimentos, medicamentos, reparto de máscaras ou paquetes de libros desde os colexios. Na habitual rolda de prensa telemática, Caballero recoñeceu o excepcional traballo desinteresado que realizan estes voluntarios.
O alcalde avanzou este martes que o Concello de Vigo e Vitrasa convocaron o concurso infantil “Os nosos heroes” para agasallar aos nenos e nenas da cidade polo seu confinamento debido ao Covid-19, así como recoñecer tamén ás persoas maiores.
O alcalde avanzou este luns que o Concello de Vigo abrirá este luns o Rexistro da lonxa de Praza do Rei con cita previa a través do 010. A decisión está destinada a atender ás persoas sen situación de vulnerabilidade que deben solicitar axudas de inclusión social, discapacidade, pensións non contributivas ou Risga.
En dúas ocasións o goberno local lle pediu á administración autonómica aclaracións sobre as parroquias de Vigo que poderían prescindir de restricións de franxas horarias nas súas saídas. Un documento da Subdelegación do Goberno atribúe á Xunta a capacidade para definir cales son eses núcleos de poboación, unha información que, a continuación, tería que trasladar aos concellos.
Abel Caballero confirmou este venres o proceso de peonalización de rúas para a súa apertura aos cidadáns en diferentes zonas da cidade tamén en días laborais. O alcalde explicou que o Concello tamén mantén a medida en domingos e festivos iniciada xa a pasada semana.
O proxecto para humanizar as zonas intersticiais entre a Estación do AVE e os accesos viarios, o nó intermodal e a Praza da Estación foi aprobado este xoves na Xunta de Goberno do Concello de Vigo.
As restricións no uso do transporte colectivo pola pandemia están a derivar en “enormes déficits” que poden chegar aos mil millóns en España, uns dez millóns no caso de Vigo, segundo estimou este xoves Abel Caballero. Vigo e as maiores urbes de España pediron ao ministro Ábalos un fondo para palialo.
O Goberno local paralizou a licitación do contrato de promoción turística con Londres e Baleares “dado que non se dan as condicións de operar, nin se sabe cando se van dar”, segundo explicou esta mañá o rexedor. Así mesmo, explicou que o Concello tamén está estudando a rescisión ou suspensión do contrato en vigor con Air Nostrum con voos a Sevilla, Valencia, Londres e París.