martes, 29 abr 2025
O alcalde felicitou este martes a toda á cidadanía de Vigo, ás forzas de seguridade locais e estatais, bombeiros e Protección Civil, pola “extraordinaria e excepcional” resposta proporcionada ante o corte de subministración eléctrica que afectou a todo o país. “Teño un inmenso orgullo de ser alcalde de Vigo e ver como, nunha situación tan complicada, as viguesas e os vigueses asumírono con sentido común e sabendo que era un incidente serio, grave, ao que eramos capaces de facerlle fronte. A cidade estivo á altura das circunstancias”, asegurou Abel Caballero ao finalizar a cuarta reunión do comité municipal de emerxencia onde se constatou a recuperación da normalidade na urbe. O rexedor anunciou que, rematadas as reunións do comité, o Concello mantén a vixilancia "permanente".
luns, 28 abr 2025
Ante a situación de falta de subministro eléctrico, o Concello recomenda á cidadanía que evite os desprazamentos que non sexan imprescindibles. O mellor, na medida do posible, é permanecer na casa para facilitar o eventual movemento de tráfico dos servizos de emerxencia, así como extremar a prudencia na circulación. Así as cousas, queda suspendida toda a actividade municipal nas instalacións municipais.
luns, 28 abr 2025
O Comité presidido por Abel Caballero acordou na segunda xuntanza pechar o túnel de Beiramar como medida preventiva pola saturación do conduto de líquidos ao non haber bombeo. O goberno local multiplica por tres os efectivos do Corpo de Bombeiros e Policía Local que xa axudaron a máis de 30 persoas en situacións de risco. Caballero pide prudencia e evitar os desprazamentos no vehículo privado. Na terceira reunión acordouse aumentar o número de efectivo de seguridade nas rúas pola noite.
venres, 25 abr 2025
O rexedor olívico participou este venres na xornada inaugural da cita, celebrada no Círculo de Empresarios de Galicia. O VICON 2025 congregará as principais voces do sector, que ofrecerán os seus coñecementos e experiencias aos asistentes. Caballero agradeceu o traballo que desenvolve o sector e defendeu o incremento na inversión en ciberseguridade, ante un mundo cada vez máis conectado e a evolución das guerras modernas.
venres, 25 abr 2025
Abel Caballero expresou este venres o apoio do goberno municipal de Vigo á reclamación da dirección e familias do Colexio Compañía de María para que a Xunta restableza a oferta inicial de 60 prazas para alumnos de 3 anos que cursan cuarto de Educación Infantil, tras a decisión unilateral, e non comunicada por parte da Consellería de Educación, de eliminar un dos tres grupos ofertados no centro. O alcalde, tras reunirse o xoves coa dirección do centro, denuncia que 20 escolares quedaron sen praza e sen o seu dereito a elixir centro educativo. Tras denunciar o "ataque inxustificado" a un colexio con cen anos de presenza e historia na cidade, o rexedor afirma que os recortes de matrícula de 2024 no Colexio Público García Barbón e en 2025 en Compañía de María son un serio ataque á educación de Vigo.
venres, 25 abr 2025
O alcalde e o delegado de Zona Franca anunciaron que remitiron este venres ao goberno autonómico o novo proxecto de convenio para desenvolver as obras de humanización da vía central da ETEA e a construción do aparcadoiro subterráneo.
xoves, 24 abr 2025
O alcalde reivindicou este xoves, ante os participantes no “XII Congreso Nacional de Organizacións de Maiores” que ten lugar na sede de Afundación, o carácter amigable e acolledor da cidade de Vigo, e a vocación das persoas que desde a idade deciden manterse activas e “seguir sendo parte integrante na toma de decisións da sociedade” porque os anos non son “ unha limitación”.
xoves, 24 abr 2025
Abel Caballero e a tenente de Alcaldía, Carmela Silva, mantiveron un encontro este xoves con Cristina Maragall, presidenta da Fundación, e filla de Pasqual Maragall.
xoves, 24 abr 2025
A Axencia Europea de Control de Pesca, que ten a súa sede na cidade de Vigo, celebrou o seu 20 aniversario nun acto celebrado esta mañá no Tinglado do Porto. A cidade conta co principal porto pesqueiro da Unión Europea, do que se congratulou o rexedor, destacando o importante papel que exerce a Unión Europea e a importancia que ten o sector pesqueiro en Vigo, "unha actividade da que temos un coñecemento exhaustivo, porque os avós dos nosos avós xa pescaban, e sabemos que os netos dos nosos netos seguirán realizándoo". No acto, entre outras autoridades, tamén participaron a directora xeral de Asuntos Marítimos e Océanos (DG Mare) da Comisión Europea, Charlina Vitcheva, a secretaria xeral de Pesca, Isabel Artime, e a Directora Executiva da Axencia Europea de Control da Pesca, Susan Steele.
mércores, 23 abr 2025
A sede da Delegación do Goberno na cidade acolleu este mércores unha xornada de traballo na que participaron Abel Caballero, o delegado do Goberno, Pedro Blanco, e o delegado da Zona Franca, David Regades coa secretaria xeral de Pesca, Isabel Artime, quen destacou o peso estratéxico do sector pesqueiro en Vigo e trasladou o compromiso do Ministerio de Agricultura, Pesca e Alimentación co futuro da pesca galega. No encontro estiveron tamén o director xeral de Pesca Sostible e a directora xeral de Ordenación Pesqueira e Acuicultura do MAPA, Ramón de la Figuera e Aurora de Blas.
