mércores, 8 mai 2024
A Axencia Europea de Control da Pesca, con sede na nosa cidade, celebrou esta mañá no Museo do Mar o acto de celebración do Día de Europa, que se conmemora o 9 de maio e marca o aniversario da histórica "Declaración Schuman", que sentou os cimentos da actual Unión Europea. Na súa quenda de palabra, Abel Caballero destacou a gran importancia do ente comunitario na actualidade, exclamando que "esta é a Europa coa que soñamos durante tanto tempo".
mércores, 8 mai 2024
Abel Caballero explicou este venres aos 40 alumnos do Colexio Plurilingüe O Pombal que participan na actividade didáctica "A Máquina do Tempo- Reconquista 2024" o valor co que a cidadanía de Vigo afrontou en 1809 a xesta de recuperar a cidade do dominio francés tras expulsar ao exército invasor. O alcalde remarcou a importancia de que os estudantes coñezan a historia de Vigo e percorran os lugares crave onde se sucederon os episodios lembrados cada ano na cidade. O Concello de Vigo achega a Reconquista a preto de 1200 escolares de 5ª e 6ª de Primaria.
mércores, 8 mai 2024
Abel Caballero instou hoxe á Xunta de Galicia a pagar as lanzadeiras de Vigo ata o aeroporto de Santiago mentres se desenvolven as obras de mellora da pista de aterraxe do de Vigo. Afirma que as tres liñas de autobuses operativas desde hoxe foron activadas pola empresa concesionaria ante a demanda dos usuarios, pero en ningún caso polo Goberno galego.
mércores, 8 mai 2024
A rúa do Príncipe acolle dende esta mañá a exposición das obras máis salientables de ambos arquitectos, reflectida en 12 paneis instalados fronte o Museo MARCO. “É a exposición de dous grandes mestres da arquitectura” exclamou o rexedor.
mércores, 8 mai 2024
O ministro, Jordi Hereu, tamén notificou que a semana que vén, Industria lanzará a terceira convocatoria do PERTE VEC dotada con 300 M€. “O PERTE VEC III completará o que Stellantis necesita para o seu proxecto”, indica Caballero.
martes, 7 mai 2024
Gozar da interpretación escénica, aprender a estar nun escenario e a expresarse en público. É a recomendación que deu hoxe o alcalde aos alumnos que representaron no Auditorio Municipal as súas obras dentro das “XIV Xornadas Municipais de Teatro Escolar”, organizadas pola Escola Municipal de Teatro. Este martes os estudantes do colexio Mestres Goldar representaron a obra "Vigo - Paris', seguidos dos do CEIP Lope de Vega con "Se eu tivera unha púa" e do CEE Saladino Cortizo coa obra "Limón". Preto de 1100 alumnos e alumnas formarán parte desta experiencia teatral como actores e como público.
martes, 7 mai 2024
O alcalde da cidade realizou unha valoración tras coñecer os bos datos de emprego que rexistrou España, e en concreto Vigo. "O pasado mes de abril foi o mellor dato de redución de paro da historia", indicou Caballero, sinalando ademais que, "se reduce en case un 11%" con respecto ao mesmo mes en 2023 e situándose en 16.700 demandantes de emprego. Finalmente o primeiro edil sinalou que esta "é a mostra de que a economía e o emprego en Vigo tiran, diminuíndo o número de parados".
martes, 7 mai 2024
O alcalde saudou este martes a un grupo de maiores, usuarios de diferentes servizos de formación e entretemento da Cruz Vermella, que visitaron as dependencias municipais dentro do programa "Coñece o teu Concello". Caballero explicoulles o funcionamento do Pleno municipal e de varios órganos administrativos atendendo ás súas dúbidas e requirimentos sobre algunhas dinámicas municipais.
martes, 7 mai 2024
O alcalde explicou este martes aos 35 alumnos do Colexio Compañía de María que participan na actividade municipal "A Máquina do Tempo-Reconquista 2024" a importancia de coñecer a historia da Vigo e de forma especial o episodio no que os vigueses recuperaron a urbe da ocupación de Francia. Acompañado polo soldado francés da garda imperial de Napoleón Pierre Delapierre, Abel Caballero animou aos escolares para percorrer os escenarios onde tivo lugar en 1809 o histórico acontecemento. Con esta iniciativa o Concello de Vigo achega este ano a Reconquista a preto de 1200 escolares de 5º e 6ª de Primaria.
martes, 7 mai 2024
Abel Caballero visitou o Hospital Vithas Vigo onde a dirección do centro fixo un simulacro do servizo de “hospital a bordo” que xa dá servizo a unha trintena de embarcacións. Desde Vigo e para todo o mundo, con esta ferramenta as tripulacións dos barcos que faenan en alta mar teñen ao seu alcance un servizo de urxencias xerais e con especialistas médicos, así como consultas programas e mesmo o seguimento de pacientes con hospitalización a bordo. O alcalde louvou a asistencia sanitaria en embarcacións e considerou que se trata “dunha garantía moi importante para as tripulacións en alta mar”, amais de considerar que pode extrapolarse a outros ámbitos e sectores.