O alcalde recibiu aos representantes da Sociedade Jules Verne de Vigo e amosou a súa “máxima ilusión” pola celebración na cidade do V Congreso Internacional Verniano no ano 2028, coincidindo con tres efemérides clave: o bicentenario do nacemento de Jules Verne, o sesquicentenario da súa primeira visita a Vigo e o 160 aniversario da chegada do Nautilus á ría. Caballero cualificou o evento como unha “oportunidade extraordinaria” para a proxección internacional da cidade e comprometeu a colaboración do Concello “en todo o necesario” para garantir o éxito da cita. O congreso reunirá en Vigo a especialistas internacionais na figura do escritor francés, que presentarán novos estudos sobre a súa obra e legado, consolidando a cidade como referente verniano. O alcalde destacou a relevancia de que Vigo se sume a sedes como Barcelona, A Habana, Palma de Mallorca ou Colombia, e subliñou que a cidade está preparada para acoller “un congreso excepcional” que reforzará a súa dimensión cultural e científica a nivel global.
O alcalde informou do inicio, este martes, das obras de reparación das humidades detectadas na fachada da segunda planta do edificio do museo, que permitirán unha mellora térmica e de mantemento.
O alcalde achegouse ata o tramo final da autoestrada, onde puxo en valor o protocolo asinado co Ministerio de Transportes para a humanización da AP-9 desde Redondela ata a entrada na cidade. O Concello actuará no tramo entre Isaac Peral e Alfonso XIII, “cunha proposta que o anteproxecto e o proxecto definirán”.
“Vigo incorpórase vitalmente ao Día das Forzas Armadas”. É a mensaxe que trasladou esta mañá Abel Caballero ao xefe do Estado Maior da Defensa, Teodoro Esteban López Calderón, no acto de presentación do programa que se despregará na cidade do 26 ao 31 de maio. A celebración contará con exhibicións, unha revista naval, música e o desfile aéreo.
As instalacións de Freire Shipyard acolleron este luns a cerimonia de botadura do buque “A22 Proserpina”, destinado á Armada española e que servirá como apoio á Escola Militar de buceo para realizar operacións complexas de intervención subacuática. O acto contou coa presenza de Antonio Piñeiro Sánchez, xefe do Estado Maior da Armada; Marcos Freire, director xeral de Freire e Pedro Blanco, delegado do Goberno en Galicia. Abel Caballero celebrou este fito do “gran estaleiro” que con máis dun século de historia situado “no corazón da cidade” foi quen de “avanzar na forma de entender a construción naval e foi capaz de innovar en tecnoloxía”.
O alcalde presentou este luns a programación do centenario do Día do Libro que inclúe lecturas públicas, encontros con escolares ou faladoiros con narradores e poetas.
O Concello iluminará de azul este sábado 11 as fontes de Aragón para conmemorar o Día Mundial do Parkinson coincidindo co nacemento de James Parkinson, neurólogo que describiu a enfermidade por primeira vez en 1817. A xornada busca concienciar sobre a enfermidade neurodegenerativa, visibilizar a quen convive con ela e fomentar a investigación.
O Concello alumeará o domingo de 12 abril de cor turquesa as fontes de Aragón con motivo da celebración do Día Internacional de Persoas con Extremidades Diferentes para visibilizar e promover a inclusión de quen ten diferenzas conxénitas ou adquiridas nas súas extremidades. Esta data busca romper barreiras, concienciar sobre a diversidade corporal e fomentar o respecto.
O alcalde convidou á cidadanía “de todo Vigo” a “asistir, bailar e pasalo ben” este sábado na Asociación Veciñal, Cultural e Deportiva de Beade, que acollerá desde as 19 horas e ata as 22 horas, unha nova sesión dos “Bailes en Vigo”, o programa municipal de lecer incluído en “Vigo, cidade amiga das persoas maiores”. Con entrada gratuíta, as sesións de baile continuarán en vindeiras datas en San Miguel de Oia, Becerreira-Cabral e Lavadores.
