“Bailes en Vigo”, o sábado 11 de abril en Beade
O alcalde convidou á cidadanía “de todo Vigo” a “asistir, bailar e pasalo ben” este sábado na Asociación Veciñal, Cultural e Deportiva de Beade, que acollerá desde as 19 horas e ata as 22 horas, unha nova sesión dos “Bailes en Vigo”, o programa municipal de lecer incluído en “Vigo, cidade amiga das persoas maiores”. Con entrada gratuíta, as sesións de baile continuarán en vindeiras datas en San Miguel de Oia, Becerreira-Cabral e Lavadores.
