Abel Caballero mantivo un encontro este luns cunha representación da Confraría, encabezada por Marora Martín-Caloto, Irmá Maior do Cristo da Victoria desde o ano 2005, con quen abordou o desenvolvemento da procesión deste 2025 que, como cada ano, percorrerá as rúas da cidade o primeiro domingo de agosto.
O alcalde e o segundo tenente de alcaldía recibiron este luns a unha delegación con seis membros da Comisión Nacional de Enerxía e Auga de Xeorxia, considerados como os máximos responsables da GNERC; así como a tres integrantes da delegación de Aqualia en Xeorxia; e a dous representantes de Aqualia en España. Entre os participantes da delegación xeorxiana atópase Davit Narvania, exministro de Enerxía de Xeorxia e exalcalde de Tiflis. A comisión xeorxiana é o organismo que regula os prezos da enerxía, a auga e o gas, ademais aprobar os investimentos e a xestión para todo o país e as empresas do sector.
O Concello de Vigo activou o dispositivo de vixilancia preventiva para a protección da contorna da cidade ante posibles incendios. O alcalde explicou que as altas temperaturas rexistradas nas últimas semanas aconsellan poñer en marcha a vixilancia “intensa e extensa” por parte da Policía Local.
SPARC Foundry e os seus principais investidores- Indra Group, a SETT e Vigo Activo da Zona Franca- formalizaron este luns ante notario o acordo de investimento para a súa futura planta de chips fotónicos en Vigo. O acto tivo lugar nas instalacións do Consorcio Zona Franca de Vigo e contou coa presenza de Abel Caballero, alcalde de Vigo; David Regades, delegado de Zona Franca de Vigo; Javier Ponce, director xeral da Sociedade Española para a Transformación Tecnolóxica (SETT); Héctor Álvarez, director de Estratexia de Indra Group; e Francisco Díaz, CEO de SPARC.
O alcalde, a primeira tenente de Alcaldía e o concelleiro de Parques e Xardíns visitaron esta mañá á obra do artista Víctor García, de "Playincolors", realizada no parque Ricardo Aldao do barrio da Salgueira. Enmarcada no XI Programa de murais "Vigo cidade de cor", a creación dota de nova estética a pista de baloncesto. Nesta edición o programa suma as obras de 5 artistas de 5 países: Arxentina, México, Polonia, Grecia e España, Haberá 11 novos murais. “Vigo, cidade de cor” suma xa máis de 190 intervencións.
O inicio das obras de humanización da rúa Pazo, que se suma ás melloras realizadas polo Concello en Bouzas, é a expresión da “aposta decidida” por un barrio que é “un gran corazón da cidade de Vigo”. Así o constatou este venres Abel Caballero ao colocar a primeira pedra da intervención municipal.
Abel Caballero trasladou hoxe á Xunta a primera das demandas de investimentos que reclamará para a cidade, co gasto de 35 millóns de euros na mellora dos centros educativos públicos de Vigo. “Estariamos encantados con que a Xunta cumprise as súas obrigas e competencias en Vigo”, afirmou, ante afirmación dos edís do PP de que Vigo non quere que a administración galega invista na cidade. "Dinnos que lles poñemos problemas para investir 19 millóns de euros e eu propóñolles ao PP e á Xunta investimentos en colexios”, recalcou.
O Concello de Vigo súmase á conmemoración do Día Internacional da Síndrome de Rubinstein-Taybi, un trastorno xenético que se enmarca no grupo das enfermidades raras. Afecta a un de cada cen mil nacementos ao ano e caracterízase por pulgares e dedos dos pés grosos, baixa estatura, rasgos faciais particulares e graos variables de discapacidade intelectual e desenvolvemento.
Abel Caballero saudou este xoves aos integrantes do Club Ciclista de Teis, organizador do Premio Volta Ciclista a Teis que terá lugar este domingo 6 de xullo na contorna do mercado. O alcalde explicou aos participantes nas categorías de principiantes, promesas, alevíns, infantís e cadetes, o atractivo da práctica dun deporte que conta cun gran arraigamento en Vigo, así como a importancia do esforzo que se realiza tanto durante os adestramentos como nas competicións.
O alcalde saudou este xoves en Samil aos profesionais que, do 15 de xuño ao 30 de setembro, prestan o servizo de socorrismo e salvamento en trece areais de Vigo. “Un magnífico sistema de socorrismo, salvamento, limpeza de praias e da policía atendendo. A mellor atención de praias que hai en ningún lugar de España”, afirmou Abel Caballero.