O alcalde e a primeira tenente de Alcaldía visitaron esta mañá a primeira obra do XI Programa de murais "Vigo cidade de cor", co que artista Dante Arcade transforma a pista de baloncesto de Samil.
Abel Caballero anunciou a constitución dunha Empresa Municipal de Vivienda dotada de 4,5 millóns e que se enmarca dentro dun "plan de choque" de 11 millóns que pretende garantir o acceso á vivenda na cidade. O alcalde defendeu a iniciativa municipal ante a "inacción absoluta" da Xunta de Galicia.
O alcalde reafirmou este xoves, ante a organización e participantes da 58 edición do "Rally Recalvi Rías Baixas", o apoio do Concello de Vigo a unha competición que este ano suma aos seus atractivos a recuperación da proba da subida ao monte do Castro. "Todo aquilo no que poidamos estar, imos seguir e estar", afirmou Abel Caballero sobre a carreira que terá lugar os días 3, 4 e 5 de xullo.
Abel Caballero trasladoulle a Sara Aagesen, ministra de Transición Ecolóxica, a súa satisfacción polo desenvolvemento desta obra “excepcional” coa que a cidade, dixo, “está encantada”.
“Vega”, a aplicación móbil contra a violencia de xénero, creada por un axente da Policía Local e outro da Policía Nacional, foi presentada este mércores polo alcalde, o delegado de Zona Franca, e a primeira tenente de alcaldía. A nova App, que aplica a intelixencia artificial, significa “un avance prodixioso” contra as situacións de perigo e para favorecer a seguridade das mulleres, segundo asegurou Abel Caballero.
A fin de semana do sábado 5 e o domingo 6 de xullo o Instituto Feiral de Vigo acollerá a terceira edición de “Kokoro Japan Expo 2025”. Dedicado á cultura xaponesa, o manga, o anime, a gastronomía e os xogos, contará cunha extensa oferta de actividades e a presenza de invitados internacionais. O alcalde chama á participación da cidadanía de Vigo nunha exposición "moi entretida".
Abel Caballero puxo en valor este martes a renovada colaboración do Concello de Vigo coa Federación Galega de Libreiros para a próxima edición da “Feira do Libro” que se celebrará do 1 ao 7 de xullo na Alameda da Praza Compostela. O rexedor destacou a interacción entre os escritores e os lectores que propicia a cita cultural anual.
A ampliación do orzamento inclúe o reforzamento da estrutura da Praza do Rei para facer unha humanización de toda a praza “e poñela ao servizo da cidadanía” cun importe de 2,6 millóns de euros. Tamén o alcalde sinalou a humanización das rúas Mondariz, Soutomaior, Tomiño, Ronda de Don Bosco, Rosalía de Castro – entre República Argentina e Pontevedra –, mellora das instalacións do túnel de Beiramar, beirarrúas en Cesáreo Vázquez, o paseo da praia do Vao e a biblioteca de Teis.
Abel Caballero avanzou esta mañá o proxecto para recuperar a vida do barrio, pintando as xanelas tapiadas de edificios abandonados.