O Boletín Oficial da Provincia publicou o padrón de lixo en vivendas que establece as tarifas de recollida de residuos sólidos. O alcalde sinala a “ineficacia” da Xunta pola suba de case un 70% por parte de Sogama, organismo dependente do goberno autonómico, que pasa de cobrar 61,7 euros/tonelada de residuos a 104,5 euros / tonelada en pouco máis dun ano.
“Unha gran noticia”, valora o rexedor, tras a luz verde do Estado á planta de chips fotónicos cun investimento de 17,2 millóns de euros, que situará a cidade “á altura de Francia e Alemaña” como centros de produción da Unión Europea.
O Concello inicia este martes a reparación e substitución da pasarela de madeira da praia de O Vao. Estará rematada na segunda semana do mes de xullo.
O alcalde puxo en valor este martes que a gran dimensión tecnolóxica do sector do metal de Vigo queda patente na cuarta edición da “Feira Internacional Mindtech”, organizada ata o xoves 19 de xuño no Instituto Feiral de Vigo pola Asociación de Industrias do Metal e Tecnoloxías Asociadas de Galicia.
O alcalde saudou este venres ao alumnado do Colexio Amor de Dios con motivo das festas do centro. Recomendoulles que aproveiten o verán para realizar prácticas deportivas e afrontar o novo curso con dedicación ao estudo. Caballero lembrou aos estudantes de Secundaria a importancia de estudar inglés para acceder a unha das máis de 1.000 bolsas municipais para a aprendizaxe do idioma en Irlanda e no Reino Unido.
A Xunta de Goberno de Vigo aprobou hoxe a convocatoria para cubrir os 75 postos da oferta de traballo do “Plan Municipal de Emprego” de 2025, que ten un presuposto de 1.375.000 euros. “Un plan que durante nove meses permitirá dar capacitación profesional a 75 persoas para que continúen a súa vida laboral en empresas a través da súa propia iniciativa”, destacou Abel Caballero.
O alcalde acudiu á entrega de premios de Faro da Escola, onde o galardón do "mellor xornal" foi para a Aula do Hospital Álvaro Cunqueiro. No pavillón de Navia déronse cita ao redor de 1.400 estudantes de 40 colexios da provincia de Pontevedra onde amosaron o seu traballo na realización dun xornal. Caballero explicoulles que "deben sentir orgullo" de ser bos e boas estudantes" e agradeceu ao profesorado o seu labor na docencia e implicación co alumnado e co proxecto promovido por Faro de Vigo.
O rexedor recibiu aos equipos de fútbol 11 e fútbol 7 que van competir nos campionatos de España Master en Benidorm e Salamanca. Desexoulles sorte e felicitounos polo patrocinio e asociación das súas empresas "que levan a Vigo polo mundo adiante".
O programa municipal de coidadores de barrio prestou ata o día 31 de maio un total de 6.066 servizos e atendeu a 284 usuarios con idades de entre 60 anos e máis de 90. “Está a prestar un importantísimo servizo na cidade”, destacou Abel Caballero.
As fontes de Aragón ilumínanse mañá 11 de xuño polo Día Internacional da síndrome do KBG. A conmemoración ten como obxectivo concienciar sobre esta enfermidade xenética rara que afecta ao desenvolvemento físico e cognitivo, ademais de reclamar o fomento da investigación e ofrecer apoio ás persoas afectadas e ás súas familias.