martes, 1 abr 2025
As obras de humanización de Beiramar, inauguradas este martes, enmárcanse tanto na “forma de entender o desenvolvemento de Vigo”, coa construción de paseos urbanos e verdes, como no apoio do Goberno a numerosos e importantes proxectos de Vigo asignando fondos europeos do Plan de Recuperación. Así o recalcou o alcalde ante o secretario de Estado de Transportes, o delegado do Goberno en Galicia, o presidente da Xunta e o máximo responsable da Autoridade Portuaria de Vigo, no acto que contou coa participación de integrantes de Autismo Galicia e do Grupo Once.
luns, 31 mar 2025
A cidade encheuse esta fin de semana para celebrar a vitoria sobre os exércitos napoleónicos, nunha cita que “bateu marcas de asistencia con máis de 250.000 persoas”, segundo indicou Caballero.
luns, 31 mar 2025
O alcalde interveu no Pleno para defender Vigo como sede do Mundial de Fútbol 2030: “Roubáronos politicamente unha candidatura do Mundial 2030. Isto é un escándalo. A Federación ten que facer que Vigo sexa sede do Mundial”, afirmou. A proposta do grupo socialista saíu adiante cos votos favorables do goberno e a abstención do Partido Popular e o BNG.
xoves, 27 mar 2025
O alcalde saudou este xoves aos 44 alumnos do Colexio San José da Guía que percorren o centro histórico de Vigo, dentro do programa didáctico "Aventura no Vigo Vello-Reconquista 2025", para contemplar os escenarios onde tivo lugar a xesta histórica de 1809 da expulsión de Vigo das tropas napoleónicas. O alumnado gozou do programa educativo que lles permite coñecer de modo práctico un importante feito histórico da cidade. Máis de 1.000 escolares participarán ata o día 11 de maio das visitas teatralizadas.
xoves, 27 mar 2025
O Teatro García Barbón acolleu este mércores a Gala de entrega das Medallas da Cidade e dos premios Viguesas e Vigueses Distinguidos de 2025. No seu discurso, o alcalde puxo en valor a unión da cidade, unha forza coa que "xa temos o noso lugar no mundo. Puxemos a Vigo no mapa e xa ninguén nos sacará del".
xoves, 27 mar 2025
O Halo, as fontes de Aragón e a fachada da antiga estación de tren de Urzáiz súmanse á conmemoración da festa histórica da cidade tinguíndose de vermello. O Halo ilumínase de vermello e branco este venres entre as 20:00 e ata as 23:00 horas os primeiros quince minutos de cada hora, é dicir, de 20 a 20:15h, de 21 a 21:15h, de 22 a 22:15h e de 23 a 23:15 horas. As fontes de Aragón e a fachada da antiga estación de tren de Urzáiz ilumínanse de vermello este venres, sábado e domingo desde as 20:00 horas e durante toda a noite.
xoves, 27 mar 2025
A cidade engalánase esta fin de semana para celebrar a súa festa histórica, a "romería urbana máis importante de Galicia" en palabras do alcalde, rememorando a expulsión das tropas francesas por parte das viguesas e vigueses en 1809. O Casco Vello da cidade énchese con postos de mercado, gastronomía, música, baile e representacións teatrais. Este venres, o Concello organiza o acto institucional de lectura do pregón, a cargo de Óscar Vladimir Vallejo Torres, Fiscal Xefe da Fiscalía da Área de Vigo. Será na Praza da Independencia ás 12:00 horas.
xoves, 27 mar 2025
O alcalde avanzou que os servizos xurídicos do Concello xa están a estudar accións legais polo "escándalo" das sedes do Mundial 2030. Pide coñecer a valoración de cada candidatura en detalle “porque é intolerable que nos digan que temos problemas de financiamento”.
xoves, 27 mar 2025
O alcalde presidiu este venres, 28 de marzo, o acto institucional de celebración do Día da Reconquista de 2025 coa lectura do Bando a cargo de Oscar Vladimir Vallejo, Fiscal Xefe da Área de Vigo, seguido dunha ofrenda floral no Monumento aos Heroes da Reconquista, na que tamén participou o Subdelegado de Defensa en Pontevedra. A Banda de Música de Beade pechou o acto coa interpretación dos himnos de Galicia e España.
mércores, 26 mar 2025
O alcalde animou hoxe aos 52 alumnos do CEIP Pintor Laxeiro que participan nas visitas teatralizadas do programa didáctico "Aventura no Vigo Vello-Reconquista 2025" a coñecer un dos episodios máis importantes da historia da cidade. Caballero destacou a xesta da cidadanía viguesa por ser pioneira na expulsión das tropas napoleónicas despois de que o emperador invadise toda Europa. Máis de 1.000 escolares de quinto e sexto de Primaria comparten co alcalde Vázquez Valera, o soldado francés Pierre da Pierre e a taberneira viguesa Xoana Rial un percorrido polos principais escenarios da Reconquista e a sesión educativa na Casa Galega da Cultura.
