O Concello dedica este ano preto de seis millóns de euros ao mantemento dos colexios públicos e escolas municipais de Vigo, segundo sinalou hoxe o alcalde de Vigo ao indicar que só ao servizo de prevención e control da lexionela se destinan 182.000 euros ata abril de 2028.
O alcalde avanzou que o vindeiro xoves, 20 de marzo, terá lugar o Pleno Municipal de aprobación da concesión das medallas e títulos de Viguesas e Vigueses Distinguidos deste 2025.
Abel Caballero mantén mañá mércores un encontro co presidente de Renfe, Álvaro Fernández Heredia.
Abel Caballero animou aos 46 alumnos do Colexio Losada que participan este luns no programa "Aventura no Vigo Vello- Reconquista 2025" a interesase por un dos episodios máis importantes da historia da cidade, a través das explicación que reciben no programa didáctico deseñado polo Concello para visitar os lugares clave da expulsión, en 1809, das tropas francesas. Durante as 20 visitas programadas con outros tantos colexios de Vigo, preto de 1.000 nenos participarán na iniciativa didáctica.
Abel Caballero presentou este luns xunto a Vegalsa Eroski os nove percorridos ambientais programados ata xuño dentro do programa “Camiño a Camiño”, que este ano aumenta a oferta de prazas.
Abel Caballero asinou hoxe co promotor de “O Marisquiño”, Carlos Domínguez “Pity”, o convenio de colaboración para a celebración da vixésimo quinta edición do festival urbano, “o maior da historia de Vigo”.
Jose Manuel Martínez, CEO de Bimba y Lola e Belén Montenegro, HR director, trasladáronlle ao rexedor a súa satisfacción polo novo emprazamento da súa sede na cidade e agradeceron o apoio do Concello no traslado a estas instalacións. O alcalde puxo en valor a "magnífica" proposta de acción de cooperación cultural que fixeron e transmitiulles "o agrado" pola súa actividade. "Son unha empresa de Vigo e entenden que o ámbito cultural é parte central de identificación de empresa e cidade", recoñecendo que estas accións supoñen "traballar en favor da cidade, algo que merece o noso recoñecemento".
O alcalde animou hoxe ás 43 alumnas e alumnos de quinto e sexto de Primaria do CEIP A Doblada, que participan no programa educativo municipal "Aventura no Vigo Vello. Reconquista 2025", a achegarse ao coñecemento da historia dunha das xestas máis importantes da cidade gozando da xornada didáctica guiada polos actores que interpretan ao alcalde Vázquez Varela, ao soldado francés Pierre da Pierre e a taberneira Xoana Rial. Preto de 1.000 escolares participan nas 20 visitas didácticas programadas polo Concello con outros tanto colexios para aumentar o coñecemento da Reconquista de Vigo e dos principais escenarios onde se sucedeu a recuperación da cidade polos vigueses do dominio napoleónico.
O alcalde presentou este venres, coa concelleira de Educación, do escritor Antonio García Teijeiro e o músico Alberto Cunha, o programa didáctico “Vigo, entre notas e versos” co que o Concello conmemorará a semana que vén o Día Internacional da Poesía.
O alcalde anunciou a apertura, mañá sábado 15 de marzo, de VigoNature, despois de catro meses e medio de obras para avanzar na transformación do antigo zoolóxico nun Centro de Divulgación Ambiental de vangarda que conta cunha vocación substancialmente didáctica e de lecer.