O alcalde destacou este xoves, durante a presentación do XI Torneo de Pádel Concello de Vigo que se celebrará do 23 de xuño ao 6 de xullo nas instalacións dos Máis que Auga de Barreiro e Navia, a vertente solidaria da competición que este ano aspira a bater o récord mundial de participantes.
Abel Caballero recalcou hoxe, co subdelegado do Goberno, a primeira tenente de Alcaldía, e as concelleiras de Medio Ambiente, Turismo e Participación Cidadá, que dos 6,6 millóns das obras da segunda fase de humanización da Avenida de Galicia, o Goberno de España achega 4,1 millóns, o Concello 1,5 e a Xunta 2,5 millóns. “Entre o Goberno e o Concello achegamos o 75 por cento do total das obras”, remarcou o rexedor ao apuntar que na identificación da reforma unicamente aparecen os carteis da administración galega a pesar da obriga de sinalar o financiamento do Goberno de España.
Desde maio de 2024 ata o pasado mes de abril, o servizo municipal de atención á cidadanía atendeu 113.468 chamadas telefónicas e realizou preto de 70.00 xestións. “O 010 presta un servizo extraordinario”, destacou hoxe o alcalde.
A sede da Zona Franca de Vigo acolleu este xoves a presentación da sexta edición dos Premios Ardán á excelencia empresarial, na que Stellantis Vigo recibirá o premio especial pola súa traxectoria. A entrega será o 22 de maio ás 19 horas no Auditorio Mar de Vigo.
O alcalde presentou este mércores á atleta olímpica Julia Vaquero como nova embaixadora da Carreira Praia de Samil, tras a súa integración no Club Atletismo Veteranos de Samil. Caballero destacou o “papel tan importante” da deportista viguesa no mundo do atletismo.
Abel Caballero reiterou hoxe, ante os representantes das corais e bandas da cidade que participaron na presentación dos concertos da tempada de 2025 do programa “Vigo, un mar de corais e bandas”, o apoio continuo do Concello á actividade musical. “Seguiremos enchendo todas as prazas e lugares da cidade. Conseguimos un logro moi importante porque non hai un só acto sen a presenza dunha formación musical”, destacou.
Xa están á venda os billetes de tren para viaxar no corredor Vigo – Madrid a partir do 9 de xuño. Caballero felicita ao Ministerio e Renfe “pola recepción ao diálogo” e establecer 4 frecuencias diarias en cada sentido, con 3 AVE por debaixo das 4 horas de duración e ao redor de 250 prazas máis cada día.
Abel Caballero ratificou hoxe a súa defensa da transcendencia da construción da nova autovía A52 en túnel desde Vigo a O Porriño, despois de que este martes o deputado do BNG Néstor Rego defendese, na Comisión de Transportes do Congreso, unha proposición non de lei para que o Goberno retire o proxecto orzamentado en 389 millóns de euros e libere a peaxe da AP-9 ata Tui. “É un novo ataque do BNG, coa posición tácita similar á do PP, contra a cidade de Vigo”, afirmou o alcalde.
O alcalde saudou este martes ás persoas participantes na Asemblea Anual da Asociación Nacional do Taxi, que se celebra no Verbum, asegurando aos profesionais que el é un "defensor" do sector polo "magnífico servizo, a calidade e a seguridade" que proporcionan aos usuarios. "Creo na competencia pero creo que o taxi ten a tradición e a capacidade de facer o servizo", afirmou ante taxistas de toda España. Caballero felicitou aos profesionais polo traballo que desenvolven e pola súa proxección na economía.
Abel Caballero explicou este martes aos 23 alumnos de sexto de Educación Primaria do Colexio San José da Guía, que participan no programa didáctico "Visita ou teu Concello", a intenso traballo que desenvolve todos os días a administración municipal para atender ás necesidades da cidadanía e facilitarlles servizos de calidade en todos os ámbitos da actividade, desde o subministración da auga, ao transporte público e á educación. O estudantado percorreu as principais dependencias municipais, entre as que destacan a sala de control do tráfico.