martes, 7 nov 2017
O alcalde criticou esta mañá que os vigueses teñan que pagar 5 euros máis de media por encher o depósito de gasoil que o resto dos españois, unha situación para a que no existe xustificación algunha. Reclamou á Xunta e ao Goberno central que actúen para que se cumpran as condicións legais de competencia. <br />
luns, 6 nov 2017
O alcalde de Vigo e a presidenta da Deputación achegáronse hoxe luns ás ultimas novidades tecnolóxicas aplicadas á seguridade, mobilidade, redes enerxéticas ou edificacións intelixentes. Vigo é unha das 13 cidades españolas que compañía Siemens visita coa súa smartcity hub itinerante coa que estarán todo o día de hoxe na rúa Príncipe co obxectivo de explicar como avanzar na implementación das solucións máis eficientes e sostibles nas cidades.
luns, 30 out 2017
Abel Caballero viaxa mañá martes a Madrid para reunirse co presidente do Administrador de Infraestruturas Ferroviarias, Juan Bravo, cita na que o alcalde agarda "pechar os últimos flocos" pendentes para Urzáiz. A reunión tratará tamén da terminal de autobuses e da saída da cidade á autopista en túnel, eliminando o paso elevado de Alfonso XIII.
venres, 27 out 2017
O Goberno municipal xa está a traballar na elaboración dunha memoria detallada que acompañará a solicitude de "Zona afectada gravemente por unha emerxencia de Protección Civil" que o Concello trasladará ao Consello de Ministros. Así llo avanzou Caballero a Mariano Rajoy, nunha carta na que tamén lle insta a pedir na Unión Europea axudas do Fondo de Solidariedade.
xoves, 26 out 2017
O alcalde explicou que a nova dotación ocupará unha superficie de 2.500 metros cadrados e inclúe praza pública, zona verde e aparcamento. Ademais, o goberno local cede o uso de instalacións deportivas aos centros escolares por un valor de case 50.000 euros.
luns, 23 out 2017
O alcalde de Vigo reuniuse este luns con oito rexedores de municipios da área metropolitana afectados polos lumes da pasada fin de semana para abordar de forma conxunta vías para paliar os danos provocados, abordar solucións e avaliar os danos materiais e humanos.
venres, 20 out 2017
"Citroën chegou en 1958 a unha cidade que sabía pescar e facer barcos e agora sabe facer os mellores coches", destacou Caballero na inauguración dun Congreso España-Italia de Historia Económica que se desenvolve hoxe venres e mañá na Facultade de Económicas.
xoves, 19 out 2017
O Auditorio Mar de Vigo foi o lugar elixido para presentar os comités técnicos, científicos e económicos-sociais que van dirixir a dirección na que debe moverse a candidatura das Illas Cíes para ser recoñecida Patrimonio da Humanidade. Acompañado polo reitor da Universidade, asegurou que estes equipos de traballo están baseados na excelencia na investigación e na calidade dos trinta profesionais integrantes.
mércores, 18 out 2017
O alcalde recibiu este mércores á nova directora do aeroporto de Vigo, a quen lle trasladou o obxectivo do Concello de "recuperar" os niveis de pasaxeiros "que nunca debeu perder", mantendo as rutas existentes sen descartar que Ryanair voe tamén a Madrid. Peinador suma ata setembro 816.000 viaxeiros, un 10,4% máis que no mesmo período do 2016.
martes, 17 out 2017
Abel Caballero recibiu este martes na Alcaldía ao embaixador de Taiwan en España, Simon Ko. Segundo explicou o alcalde, analizaron a "eventual relación" entre Vigo e o "gran imperio económico" taiwanés e emprazáronse a manter unha reunión en Madrid ao efecto.