Caballero: “A partir do 19 de novembro todo o mundo está invitado ao Nadal de Vigo”
O alcalde de Vigo anunciou esta mañá que o alumeado de Nadal lucirá en Vigo desde o 19 de novembro. En rolda de prensa explicou que a decoración deste ano terá máis beleza e atraccións que nunca, ademais dun aforro enerxético superior ao 14%.
![Foto de arquivo do acto de acendido do ano pasado.](https://xornal.vigo.org/storage/images/opt/KYQv3D10IR9QesKxyYpnjUgXQQVqzsjs3OT0DvfS.jpeg)
Vigo acenderá as súas luces navideñas o 19 de novembro, o que significa, dixo Caballero, que “o Nadal arranca ese día en todo o planeta”. A decoración deste ano terá máis beleza e atraccións que nunca, ademais dun aforro enerxético “importantísimo”, dun 14,6%. “Desde o 19 de novembro, todo o mundo está invitado a gozar do Nadal de Vigo”, concluíu.
Conxemar
O alcalde lembrou esta mañá que durante os días nos que se celebrou a feira de Conxemar -martes 4, mércores 5 e xoves 6 de outubro - os hoteis de Vigo volveron estar ao 100% de ocupación. Neste punto e seguindo coa importancia turística da cidade, engadiu que a fin de semana do acendido das luces, os hoteis de toda a provincia volverán colgar o cartel de completo porque a chamada do Nadal é “inconmensurable”.