xoves, 21 set 2017
Este xoves, o alcalde, Abel Caballero, inaugurou unha nova edición de MostrArte, unha iniciativa municipal que expón a obra de distintos artistas nos espazos da Alcaldía. A bonaerense afincada en Vigo Alicia Gil presenta o seu traballo experimental, creadora de texturas únicas dando unha nova vida a retais e fíos.
xoves, 21 set 2017
O alcalde fixo súas as reclamacións das matronas da cidade que reclaman oito profesionais máis para a área sanitaria de Vigo. Así o dixo durante a inauguración das I Xornadas sobre saúde das mulleres que se desenvolverá ata mañá venres no Centro Cívico do Casco Vello.
mércores, 20 set 2017
O alcalde de Vigo, Abel Caballero, recibiu este mércores na Alcaldía ao embaixador da República de Malta en España, Mark Anthony Micallef, quen lle trasladou ao rexedor vigués que a cidade olívica acollerá a sede do Consulado, actualmente en proceso de apertura.
martes, 19 set 2017
"Queremos gastar en 2018 cunha regra que prime o aforro e a eficiencia en teito de gasto", sinalou o presidente da FEMP, Abel Caballero. Así o solicitou hoxe martes en Madrid, logo dunha reunión organizada na sede da Secretaría de Estado de Orzamentos e Gastos.
luns, 18 set 2017
Abel Caballero realizou este luns o acto simbólico de solta das amarras do Buque Escola Bima Suci da Armada indonesia, que parte hoxe cara ao seu país desde o Porto de Vigo, logo de ser entregado polos Estaleiros Freire. O rexedor transmitiulles os mellores desexos para as xornadas de mar que teñen por diante e aludiu á amizade que xa une a Vigo e Indonesia, logo do traballo conxunto e as experiencias vividas durante o proceso de construción da nave.
venres, 15 set 2017
Abel Caballero asistiu hoxe venres ao almorzo-coloquio no que se analizou o futuro do sector financeiro en España. O conselleiro delegado do Banco Sabadell Jaime Guardiola foi o encargado de pronunciar unha conferencia que deu pé a unha posterior quenda de preguntas. Banco Sabadell e Faro de Vigo foron as entidades promotoras desta xornada.
xoves, 14 set 2017
Caballero reuniuse este xoves con Amelia Pérez, secretaria xeral de CCOO e Tito Ucha, secretario de pensionistas do sindicato, que lle presentaron a súa idea de usar o edificio como centro de día con 100 prazas para persoas dependentes. O alcalde enviará a proposta por carta á Xunta pedindo dotación orzamentaria.
mércores, 13 set 2017
O presidente da FEMP mantivo un encontro este mércores coa Secretaria Función Pública, Elena Collado, a quen lle pediu tamén axilidade na tramitación da xubilación anticipada dos policías locais para poder repoñer as prazas o antes posible.
mércores, 13 set 2017
O presidente da FEMP participou este mércores na apertura do IV Congreso Internacional de Cidades Amigas da Infancia de UNICEF, que se desenvolve en Madrid, onde ofreceu á ONG a colaboración dos municipios para implementar a Axenda 2030 en materia de infancia.
luns, 11 set 2017
No marco da inauguración da VIII Conferencia Mundial do Atún, que reúne hoxe e mañá en Vigo a máis de 300 profesionais para abordar a situación da industria transformadora e conserveira, Abel Caballero sinalou a importancia da pesca na cidade e na economía galega e apuntou a competitividade do sector como clave para ofrecer o mellor produto á cidadanía. Amais, deulle a benvida a Vigo a todos os participantes e felicitou á organización polo éxito do evento cada ano. No acto, estiveron presentes o presidente da Xunta, o secretario xeral de Pesa, Alberto López-Asenjo así o presidente e o secretario xeral de Anfaco-Cecopesca, Jesús Alonso Escurís e Juan Manuel Vieites.