luns, 30 set 2019
O alcalde de Vigo, Abel Caballero, participou este luns na inauguración do Congreso de Sostibilidade Social no marco da Feira Conxemar que se celebra esta semana na cidade. No seu discurso o rexedor apostou polo como compromiso social e o respecto aos mares. Caballero deu a benvida aos participantes dunha cita á que asisten expertos de primeiro nivel mundial, entre os que están máximos representantes da FAO, Organización Internacional do Traballo, GAA ou Thai Union, ademais de altos cargos do sector privado.
venres, 27 set 2019
"Produto pesqueiro: rico, san, seguro" é o lema da nova campaña do Ministerio de Agricultura, Pesca e Alimentación para fomentar o consumo de peixe. O Concello de Vigo acolleu este venres a presentación da iniciativa e será na cidade onde se poña en marcha coincidindo coa Feira Conxemar. As rúas vigueses tamén acollerán diversos actividades e obradoiros destinadas aos consumidores.
luns, 23 set 2019
Abel Caballero despediuse este luns de Manuel Vázquez López, xefe superior de Policía de Galicia que vai cesar no cargo con motivo da súa xubilación. O rexedor recoñeceulle o seu "bo traballo e acción e o bo labor que desenvolve a Policía Nacional na cidade" así como a "importante contribución que supón o seu papel para a tranquilidade e o clima de seguridade en Vigo".
luns, 23 set 2019
O alcalde de Vigo foi elixido por segunda vez consecutiva como presidente da Federación Española de Municipios e Provincias (FEMP) no Pleno constitutivo da entidade celebrado o pasado sábado en Madrid.
mércores, 18 set 2019
O alcalde de Vigo respondeu este mércores á carta do presidente da Xunta sobre as peticións para levar a cabo diferentes investimentos na cidade e lamentou que ningún dos requirimentos fose aceptado. "É lamentable que falsee os datos sobre o gasto da Xunta en Vigo", sinalou.
mércores, 18 set 2019
Abel Caballero entrevistouse este mércores con fiscais procedentes de Vigo, Francia e Portugal, e eloxiou unha iniciativa que vén sumar "máis e máis formación" á "eficiencia e capacidade" neste caso da Policía Local de Vigo na atención aos cidadáns.
martes, 17 set 2019
Abel Caballero foi recibido este martes polo alcalde de Valladolid, Óscar Puente, no edificio consistorial, onde o rexedor vigués firmou no Libro de Honra. Caballero visitou de forma oficial a capital de Castela e León e presentou ao seu homólogo nunha conferencia ofrecida nun medio de comunicación.<br />
martes, 17 set 2019
A concentración tivo lugar ás portas do Concello de Vigo, na Praza do Rei, en repulsa polo triplo asasinato machista recentemente perpetrado en Valga e en solidariedade coas vítimas, familiares e amigos. Goberno de Vigo, delegado de Zona Franca e concelleiros e concelleiras da Corporación participaron no acto, no que se gardaron tres minutos de silencio.
xoves, 12 set 2019
O alcalde de Vigo presidiu este xoves por videoconferencia a xunta de voceiros da Federación Española de Municipios e Provincias de preparación da asemblea xeral da FEMP do día 21. Pedro Sánchez anunciou que Caballero optará a outros catro anos seguidos como presidente, algo que só ten o precedente de Rita Barberá.
mércores, 11 set 2019
O alcalde reiterou este mércores que a atención do Instituto Social das Forzas Armadas continuará prestándose en Vigo, como garantiu hai meses e hoxe "o manteño". Trasladou aos usuarios que "estean tranquilos" ante un "intento de polémica" promovido este días e asegurou que "mentres eu sexa alcalde, o Isfas vai seguir en Vigo".
