martes, 10 dec 2019
Abel Caballero participou con Carmela Silva na presentación en Vigo da campaña coa que a Deputación de Pontevedra promove a compra de xoguetes que non respondan aos estereotipos de xénero tradicionais. Para o alcalde, que trasladou o seu apoio á iniciativa, "a igualdade é o novo tempo de entender a sociedade e seguiremos dando pasos nesta dirección" mentres a presidenta do ente provincial destacou a importancia de "mercar e agasallar con sentido e con igualdade" durante este Nadal. Os autobuses urbanos das liñas H e C3 da cidade locen desde hoxe os carteis da campaña.
luns, 9 dec 2019
Abel Caballero e Carmela Silva rubricaron este luns o acordo polo que o Concello cede durante 10 anos o edificio municipal da rúa Chao á entidade provincial para "reforzar a súa presenza en Vigo".
martes, 3 dec 2019
A presidenta de Adif confirmou a Abel Caballero a inclusión do Porto de Vigo no corredor atlántico de mercadorías como unha prioridade. Isabel Pardo de Vera trasladará ao Concello e fará pública a documentación que oficialice unha incorporación que o alcalde considera "unha necesidade imperiosa" para a cidade.
luns, 2 dec 2019
O Concello conmemora o Día da Constitución cun acto institucional que se celebra este venres, 6 de decembro, ás 12:00 horas da mañá no MARCO. <br />
venres, 29 nov 2019
Abel Caballero estará presente no funeral de Manoel Soto para renderlle homenaxe "no nome de toda a cidade" polos seus 12 anos como alcalde de Vigo. Foi o primeiro alcalde da democracia e sempre se mantivo moi activo na cidade, destacou Caballero respecto do home que tivo a tarefa de facer a transición política desde a Alcaldía de Vigo.
martes, 26 nov 2019
O presidente da FEMP anunciou que tamén lle pedirá á ministra de Facenda algún mecanismo para devolver aos gobernos locais máis de 750 millóns do IVE de 2017. Na primeira Xunta de Goberno do mandato, Caballero avanzou que a Federación adaptará o texto para a modificación da lei sobre plusvalías ás últimas sentenzas do Constitucional. <br />
xoves, 21 nov 2019
No acto de Homenaxe ao Municipalismo celebrado na Cámara Alta, o alcalde de Vigo e presidente da FEMP, Abel Caballero, reivindicou competencias, un novo modelo de financiamento e o recoñecemento da política local, "a política total que facemos Alcaldes e Alcaldesas"
martes, 19 nov 2019
O Concello presentou na estación de autobuses Sur de Madrid a campaña de promoción do Nadal que encherá os autobuses urbanos e metropolitano de Vitrasa en nove urbes españolas e na ruta entre Vigo e Madrid.
venres, 15 nov 2019
Abel Caballero achegouse esta mañá a rúa Príncipe para visitar a recen inaugurada tenda da firma Pull & Bear que abriu as súas portas ao público esta mesma mañá. Durante, a visita o rexedor felicitou promotores da que será unha nova tenda de referencia na cidade para o grupo Inditex.
mércores, 13 nov 2019
Abel Caballero e o delegado especial de Zona Franca reuníronse este mércores en Madrid con Reyes Maroto a quen lle trasladaron a disposición da cidade para acoller a factoría dun grupo chinés. Amais, o rexedor tratou coa ministra a situación de Barreras.