O alcalde convida ao presidente da Deputación a fixar unha reunión nas vindeiras datas
O alcalde explicou que “a través dos medios de comunicación coñecemos a intención da Deputación de Pontevedra de manter con Vigo o mesmo tratamento que nas últimas dúas lexislaturas”. Caballero a través dunha carta remitiulle a intención de manter un encontro institucional.
Abel Caballero envioulle esta mañá unha carta ao presidente da Deputación de Pontevedra, na que lle propón acordar unha reunión para constatar a súa posición con Vigo, tras as declaracións nas que “coñecemos a intención da Deputación de Pontevedra de manter con Vigo o mesmo tratamento que nas últimas dúas lexislaturas”, cuestión que o rexedor estableceu como “un gran avance”.
O alcalde expresou que a través dos medios de comunicación, o ente provincial deslizou que “manterán o tratamento actual”, no que “financian obras por un valor superior a 5 millóns e expresan a súa disposición de aportar a metade do custe da remodelación da grada de Gol”. Caballero expresou que “nestas condicións é axeitada unha reunión co máximo responsable da Deputación para concretar as medidas”.