O rexedor asiste ao inicio da obra da nova sede da Asociación Down Vigo no Casco Vello
O alcalde e presidente de Zona Franca, Abel Caballero, a vocal substituta do delegada de Zona Franca, Ana María Seijas, e a concelleira de Benestar Social, Yolanda Aguiar, colocaron esta mañá a primeira pedra da nova sede da Asociación Down, situada no número 27 da rúa Real do Casco Vello.
O rexedor destacou, ante o presidente da Asociación Down, José Manuel Orois, e ante o xerente da entidade, Roberto Rivero, a dobre vertente da obra que conta con permiso de construción do Concello dende o 2 de agosto, é a mellora da vida dos mozos da entidade asistencia e, a súa vez, dar continuidade á rexeneración do Casco Vello.
Caballero, tras remarcar que a transformación do Casco Vello "avanza extraordinariamente ben", e incidir en que o seu goberno "seguirá na recuperación" por ser un dos "elementos centrais que nos marcamos", incidiu en que a obra que arrinca "é máis importante que as demais, por Down Vigo".
O alcalde deixou patente os avances na dotación social que o seu goberno está a proporcionar á mellora do Casco Vello. "Nesta obra poñemos a nosa expectativa e vontade e cada vez dotamos ao casco Lanuxe con mais sensibilidade social". A rehabilitación do edificio que estará operativo a principios de 2025, conta cun orzamento de 1,4 millóns de euros. As tres plantas dunha construción con 1.100 metros cadrados acollerán un salón de actos para 60 persoas, así como unha biblioteca e unha cafetería.
