O Concello aumentará este ano o número de persoas beneficiarias das ceas de Nadal a domicilio destinadas aos usuarios dos servizos de Axuda no Fogar e de Teleasistencia que viven soas, segundo avanzou este martes o alcalde ao indicar que xa se rexistraron 300 solicitudes.
O alcalde informou este martes da execución de varias obras de acondicionamento da contorna da capela do cemiterio municipal que estarán rematadas antes de que finalice o ano.
O alcalde asistiu este luns no Auditorio Mar de Vigo á décimoterceira edición da iniciativa municipal “Enlaza Vigo contra a violencia de xénero” na que participan 1.000 estudantes de Educación Secundaria, Bacharelato, e ciclos formativos de Formación Profesional para “declarar a loita contra calquera tipo de violencias contra a muller”, no 25N.
Este martes 26 de novembro ás 6 da madrugada abre o túnel de conexión da AP-9 coa estación de Vialia. O importe do conxunto dos accesos foi de máis de 11 millóns de euros. “É unha conexión que permite aos vehículos que circulan pola AP-9 entrar na estación de Vialia sen ter que entrar na cidade”. O alcalde tamén deu conta da ocupación hoteleira da fin de semana, que foi do 86%.
O alcalde afirmou este venres que o incremento nun 1,3 por cento de viaxeiros rexistrados polo Instituto Nacional de Estatística o pasado mes de outubro consolida a Vigo como unha “das cidades turísticas máis importantes de Europa”.
O alcalde recibiu este xoves, no Salón de Plenos aos 32 alumnos de sexto de Educación Primaria do CEIP Canicouva que participan no programa didáctico "Vista ou teu Concello". Caballero trasladou aos estudantes a importancia dos acordos que adopta a Corporación e o traballo que se desenvolve na administración local por incidir en importantes ámbitos dos servizos básicos que se prestan á cidadanía. Ao longo do programa máis de 2.500 estudantes de 50 centros participan nas visitas guiadas ao edificio consistorial.
"A vosa formación e estudos van marcar toda a vosa vida. O que facedes hoxe aquí é unha parte central do que vos vai suceder nos próximos 50 anos". É a mensaxe central que dirixiu o alcalde de Vigo aos 160 alumnos de dez países que participan nas Olimpíadas Académicas Globeducate 2024, organizadas polo colexio O Castro British International School no Auditorio Mar de Vigo. Nun discurso, dirixido en inglés e castelán, o rexedor incidiu na transcendencia de dominar distintos idiomas, ademais de transmitirlles o seu desexo de que gocen da "fantástica" cidade de Vigo.
Abel Caballero avanzou hoxe que na próxima Xunta de Goberno aprobarase a contratación das obras para reformar a fachada e acondicionar o local municipal situado na rúa Santiago coas que se recuperará a antiga fisionomía da praza que se atopa no Paseo de Alfonso, fronte á oliveira.
O Concello súmase este mércores 20 de novembro á conmemoración do Día Mundial da Enfermidade Pulmonar Obstructiva Crónica coa iluminación en laranxa das fontes de Aragón. A EPOC ten unha alta prevalencia, afectando ao 16,8 por cento dos adultos de máis de 40 anos; e supón aproximadamente un 15 por cento das consultas de Atención Primaria e o 30 por cento dos servizos de Pneumoloxía.
Abel Caballero anunciou este mércores, nun acto con empresarios da Asociación de Construtores da Provincia de Pontevedra, que antes de finalizar o ano estará aprobado o Plan Xeral de Ordenación Municipal que aportará “plena seguridade xurídica”.