O goberno de España vén de confirmar a súa vontade de que o tren de alta velocidade Vigo – Porto estea rematado en 2030. Caballero transmitiu esta mañá o seu entusiasmo con este “importantísmo” compromiso para a cidade.
O goberno municipal prorrogou dous meses o contrato de CEDRO para seguir proporcionando un servizo sanitario asistencial “importantísimo” ás persoas con drogodependencias “porque non o presta a Xunta de Galicia”, segundo explicou o alcalde.
O MARCO volve ser o lugar elixido para albergar a conmemoración do Día da Constitución o próximo 6 de decembro, ás 12,00h. Nesta ocasión, o responsable de redactar o bando será o maxistrado Julio Picatoste.
O alcalde saudou este xoves aos 50 alumnos de sexto de primaria do CPR Maristas o Pilar que participaron na visita guiada ás principais instalacións municipais dentro do programa didáctico "Visita o teu Concello". O Salón de Plenos onde a Corporación municipal celebra os plenos foi o escenario onde Abel Caballero trasladou ao estudantado a importancia do Concello no día a día da vida cidadá, así como na planificación de proxectos futuros que melloran a contorna urbana e a calidade de Vida. Máis de 2.500 estudantes de 50 colexios participan no programa.
Abel Caballero destacou este xoves o significado dos paraugas de cores "como berro colectivo para estar ao carón das persoas con discapacidade, reivindicando dereitos" e como elemento para acentuar o significado da celebración, o 3 de decembro na Praza da Estela, do Día Internacional das Persoas con Discapacidade.
O alcalde anunciou o acordo adoptado hoxe pola Xunta de Goberno para asinar tres convenios específicos coa diocese de Tui-Vigo con axudas para manter o patrimonio histórico colectivo da cidade.
O alcalde achegouse ao acto polo 50 aniversario de Rodman Polyships, onde louvou a acción do presidente do Grupo Rodman, Manuel Rodríguez, polo éxito na súa traxectoria. Caballero puxo en valor o seu labor, coa construción de milleiros de embarcacións, co traballo que xera no sector naval e a internacionalización da marca presente en máis de 60 países. "A nosa felicitación polo voso traballo encomiable. Parabéns!", concluíu na súa intervención.
A Porta do Sol acolleu un concerto reivindicativo no que actuou a Asociación de Corais Polifónicas de Vigo (ACOPOVI) ante milleiros de persoas.
Abel Caballero: “Queremos un tren directo a Madrid sen realizar unha volta de 50 minutos indo ata Santiago, non o aceptamos de ningún modo"
Abel Caballero explicou hoxe aos 43 alumnos de 5º e 6ª do CPR Alborada, que participan nas visitas do programa "Visita ou teu Concello", as numerosas vertentes da xestión municipal, desde a prestación dos servizos básicos como o subministración da auga, á promoción do emprego, entre outras, que inciden directamente na vida da cidadanía. O alcalde, no encontro no que participou a concelleira de Educación, Olga Alonso, relatou que iniciativas como a promoción do Nadal converteu a Vigo en referente mundial, e que unha das accións que centran o seu traballo é reclamar e conseguir a conexión ferroviaria directa por alta velocidade entre Vigo e Madrid coa construción da variante de Cerdedo.