O programa Vigo en inglés 2015 ofertará 459 bolsas de inmersión lingüística o que suporá un investimento de 1.032.000 euros. Tal e com explicou o rexedor, este ano adxudicaránse 116 prazas máis que o ano anterior. <br />
O alcalde mantivo este xoves unha reunión con representantes da federación de peñas e da directiva do RC Celta, tras a que Caballero indicou que "queremos unha participación activa" da cidadanía sobre o aspecto exterior do estadio tras a súa reforma. No próximo partido, este sábado ás 22 horas, os afeccionados poderán decantarse por unha das sete cores propostas nas urnas habilitadas ao efecto.
O alcalde avanzou esta mañá unha xornada experimental de turismo en Cíes que se vai organizar o día 21 de marzo e na que poderán participar 210 persoas. O obxetivo é evaluar e adaptar as actividades que finalmente van vertebrar o proxecto deseñado polo Concello de levar turistas ás Illas fóra de tempada.
Abel Caballero participou este xoves da proposta, organizada pola Asociación Galega de Glaucoma coa colaboración do Concello, a través da Policía Local, impulsada co obxectivo de concienciar á cidadanía da necesidade de facer revisións oculares. Axentes nun vehículo poderán experimentar a vista con glaucoma cunhas gafas especiais, percorrendo un circuito habilitado na Praza do Rei.
O concelleiro de Cultura, Cayetano Rodríguez, saudou este xoves a celebración dunha proposta "lúdica e didáctica" novidosa, que procura "favorecer a integración" da orquestra folc e a cidadanía mediante un concerto con parte teórica no que o público poderá participar e preguntar aos músicos. Con entrada gratuíta, os Concertos Didácticos arrancan este sábado en Cabral e visitarán logo Matamá, Beade e Valladares.
O alcalde de Vigo, Abel Caballero, anunciou hoxe que 46 deportistas en categoría absoluta (17 mulleres) e 23 en promesa (12 mozas) aspiran a proclamarse mellor deportista masculino e feminino de 2014, cuestión que se desvelará o vindeiro martes, na Gran Gala do Deporte de Vigo e a súa Comarca co patrocinio do Concello de Vigo, Faro de Vigo e Abanca e que se celebrará no Centro Cultural Afundación.
O ALT.15 - Festival Alternativo das Artes Escénicas de Vigo- propón para o venres 13, cinco accións de teatro, danza e cine.
O Colexio de Educadoras e Educadores Sociais de Galicia (Ceesg) xunto coa Associaçao dos Profissionais Técnicos Superiores de Educaçao Social de Portugal (Aptses) organiza o I Encontro Luso-Galaico da Educación Social. Terá lugar en Vigo os vindeiros días 14 e 15 de marzo no Museo Verbum (Casa das Palabras).