Vigo acolle un encontro internacional con profesionais da Educación Social procedentes de Galicia e Portugal
O Colexio de Educadoras e Educadores Sociais de Galicia (Ceesg) xunto coa Associaçao dos Profissionais Técnicos Superiores de Educaçao Social de Portugal (Aptses) organiza o I Encontro Luso-Galaico da Educación Social. Terá lugar en Vigo os vindeiros días 14 e 15 de marzo no Museo Verbum (Casa das Palabras).
Este I Encontro Luso-Galaico da Educación Social ten como finalidade poder coñecer visións e experiencias que fagan reflexionar sobre o cotián dos escenarios políticos, formativos e sociais desde a óptica das e dos profesionais de Educación Social e poder consolidar os vínculos de relación entre Galicia e Portugal, constituíndonos como plataforma de reivindicacións conxuntas e de acción propositivas de cara a mellorar a profesión.
O evento contará coa presenza de profesionais de recoñecido prestixio no eido social e educativo e cunha dilatada traxectoria profesional, como o catedrático de Pedagoxía Social Xosé Antonio Caride, o presidente do Consello Xeral de Colexios de Educadoras e Educadores Sociais Xavier Puig ou a académica da Universidade Portucalense Infante D. Henrique (Porto) María das Dores Formosinho.
Descargar todas as imaxes
O evento contará coa presenza de profesionais de recoñecido prestixio no eido social e educativo e cunha dilatada traxectoria profesional, como o catedrático de Pedagoxía Social Xosé Antonio Caride, o presidente do Consello Xeral de Colexios de Educadoras e Educadores Sociais Xavier Puig ou a académica da Universidade Portucalense Infante D. Henrique (Porto) María das Dores Formosinho.