O alcalde asistiu hoxe martes á inauguración destas rúas de Teis onde anunciou que o Concello está a estudar a posibilidade de que ambas pasen a ser peonís. Abel Caballero lembrou tamén que, grazas ao Plan Urban, Teis recibiu 5 millóns de euros en investimentos xestionados polo Concello que serviron para transformar o barrio.
O alcalde de Vigo, Abel Caballero, e o Secretario de Estado de Seguridade, Antonio Camacho, rubricaron este martes no Concello o convenio que incorpora á Policía Local ao Sistema estatal de Seguemento Integral dos casos de violencia de xénero, para intercambiar información, sumar esforzos e traballar conxuntamente na "prevención" desta "lacra".
O tenente de alcalde, Santi Domínguez, presentou este martes a programación da Festa da Reconquista 2011, que se celebrará o vindeiro fin de semana, 26 e 27 de marzo. O nacionalista destacou que nesta convocatoria, como continuación á Reconquista do Casco Vello emprendida hai tres anos, a nova Pinacoteca súmase á celebración, xa que as persoas que se acheguen ao barrio histórico de Vigo poderán gozar coas xornadas de portas abertas e visitar a "obra cultural máis importante que se ten feito nos últimos anos na cidade".
A Xunta de Goberno Local adxudicou este martes definitivamente o contrato polo sistema renting para dotar á Policía Local de Vigo de 18 novos vehículos -14 turismos, dous furgóns e dous todo terreo-. Xunto a estes, o alcalde avanzou que mañá mércores chegarán as novas motocicletas, co que está "en marcha a nosa ambición de Vigo siga a ser unha cidade segura". Caballero recordou que, no actual mandato, o número de efectivos policiais incrementouse en 75.
O alcalde de Vigo, Abel Caballero, e a xunta directiva da Fundación Vigueses Distinguidos acordaran semanas atrás celebrar este ano un acto en memoria daqueles falecidos, acto que este ano recordou e homenaxeou á figura do ilustrado Francisco Fernández del Riego. O obxectivo desta iniciativa é celebrarse anualmente, sendo a deste martes a primeira edición deste Memorial.
O tenente de alcalde, Santi Domínguez, visitou hoxe o mercado de O Progreso para asistir ao inicio das obras de remodelación, que contan cun investimento de 4,5 millóns de euros financiados case integramente polo Concello de Vigo. O nacionalista asegurou que esta reforma, ao igual que a que se levará a cabo proximamente no mercado do Berbés, amosa a aposta da Tenencia de Alcaldía e a Concellería de Comercio polo pequeno e mediano comercio da cidade. "É de obrigado cumprimento que os cartos públicos se destinen a crear riqueza na cidade", afirmou.
Con motivo do Día Mundial da Auga, aqualia comparte cos máis pequenos a importancia de contribuír no aforro de auga adecuando os seus hábitos. No concurso participaron un total de 23 colexios de Vigo que presentaron máis de 800 debuxos. Un dos oito nenos premiados na nosa cidade resultou ser un dos dez gañadores individuais do concurso a nivel nacional
O tenente de alcalde, Santi Domínguez, e a concelleira de Benestar Social, María Méndez, entregaron este xoves os 20.000 euros recadados en Vigolandia a catro asociacións da cidade como son Afán, Vida Digna, Remar e a Casa da Caridade. Santi Domínguez afirmou que esta achega quere contribuír a paliar as consecuencias da crise nas persoas "con verdadeiras necesidades", para o cal asegurou que "non fixo falta máis que un minuto" para que Tenencia de Alcaldía e a Concellería de Benestar Social o decidiran.
O Servizo de Educación do Concello de Vigo pon en marcha dende o día 24 de marzo ata o 29 de abril a campaña Contarte 2011 coa que se pretende achegar aos nenos e nenas ao mundo da arte dun xeito lúdico e diferente a través do álbum ilustrado e incidir así no fomento do hábito lector entre os máis cativos.A conferencia inaugural "Qontextos: a realidade do álbum ilustrado" da man do ilustrador Chené Gómez e de Eva Mejuto de OQO Editora, será o mércores 23 de marzo ás 19:30 horas no IME.
Ponse en coñecemento do público en xeral que por mor das obras de asfaltado, a realizar pola empresa COVSA, estarán pechadas ao tráfico as rúas GONDERAN, BAIXADA DA FONTE e CURRAS, treito entre San Xoan e Aragón, con acceso exclusivo para garaxes, dende o mércores 23 de marzo de 2011 ás 10:00 horas e por un período aproximado de tres días.