O Pleno manifesta unánime o seu compromiso de manter o modelo de caixas de aforro "con vocación social e vinculación territorial"
Os tres partidos respaldaron hoxe luns "expresar o compromiso inequívoco en manter o modelo de caixas de aforros con vocación social e vinculación territorial, e a defensa das competencias estatutarias de Galicia". A moción, iniciativa do PP, aprobou tamén outros dous puntos coa abstención socialista, instando ao Goberno de España a reconsiderar o decreto de reforzamento do sistema financeiro e a retirar as "esixencias de capital e reservas adicionais aprobadas polo FROB e o Banco de España no proceso de fusión das caixas de aforro galegas".
Populares, socialistas e nacionalistas votaron hoxe luns xuntos no Pleno para "expresar o compromiso inequívoco en manter o modelo de caixas de aforros con vocación social e vinculación territorial, e a defensa das competencias estatutarias de Galicia".
Unha vez máis, o Pleno da Corporación municipal levou na súa orde do día, desta volta a iniciativa da oposición, a situación pola que atravesan as caixas de aforro "ante os anuncios do goberno socialista de Rodríguez Zapatero de modificar novamente o sector financeiro español, que poría en perigo a Novacaixagalicia", segundo indica o texto.
Xunto ao acordo acadado por todos or grupos políticos, o Pleno tamén aprobou -coa abstención do PSdeG- outros dous puntos que instan ao Goberno de España a reconsiderar o "denominado Plan de Reforzamento do Sistema Financeiro no que atinxe ás caixas de aforro e manter o actual proceso de reestructuración das caixas de aforro galegas en base ao amplo consenso acadado e garantido a súa solvencia".
Por outra banda, a Corporación tamén reclama do Estado "a retirada das esixencias de capital e reservas adicionais aprobadas polo FROB e o Banco de España no proceso de fusión das Caixas de Aforro galegas".
Unha cuarta cuestión, enmenda presentada polo BNG, foi rexeitada polo Pleno tras recibir a oposición do PP e a abstención do PSdeG, e pedia á Xunta de Galicia que actúe para evitar a entrada de capital privado nas caixas.
Unha vez máis, o Pleno da Corporación municipal levou na súa orde do día, desta volta a iniciativa da oposición, a situación pola que atravesan as caixas de aforro "ante os anuncios do goberno socialista de Rodríguez Zapatero de modificar novamente o sector financeiro español, que poría en perigo a Novacaixagalicia", segundo indica o texto.
Xunto ao acordo acadado por todos or grupos políticos, o Pleno tamén aprobou -coa abstención do PSdeG- outros dous puntos que instan ao Goberno de España a reconsiderar o "denominado Plan de Reforzamento do Sistema Financeiro no que atinxe ás caixas de aforro e manter o actual proceso de reestructuración das caixas de aforro galegas en base ao amplo consenso acadado e garantido a súa solvencia".
Por outra banda, a Corporación tamén reclama do Estado "a retirada das esixencias de capital e reservas adicionais aprobadas polo FROB e o Banco de España no proceso de fusión das Caixas de Aforro galegas".
Unha cuarta cuestión, enmenda presentada polo BNG, foi rexeitada polo Pleno tras recibir a oposición do PP e a abstención do PSdeG, e pedia á Xunta de Galicia que actúe para evitar a entrada de capital privado nas caixas.