venres, 4 mar 2011
O alcalde de Vigo reuníuse este venres cos responsables de Aspanaex para transmitirlles que o goberno local está "en disposición de garantir" que o novo centro que a entidade quere construir se axusta á legalidade urbanística vixente. O alcalde amosou a súa "satisfacción" por "facer as cousas na legalidade" e pola "gran dimensión social" desta obra, que ten "todo o apoio" do Concello.
venres, 4 mar 2011
O tenente de alcalde e concelleiro de Turismo, Santi Domínguez, deu conta dos asuntos tratados na xuntanza celebrada hoxe do padroado da Fundación Vigo Convention Bureau, na que se lle trasladou aos seus integrantes o balance das actividades que esta entidade realizou ao longo de 2010 e as previsións para 2011. Salientou a satisfacción manifestada polo padroado polo traballo feito no primeiro ano de andaina do Convention Bureau, xa que conta con 83 novas empresas colaboradores e 10 congresos a celebrar ao longo de 2011.
venres, 4 mar 2011
O alcalde de Vigo, Abel Caballero, e a delegada da Xunta de Galicia en Vigo, Lucía Molares, acudiron este vernes ao centro vigués do Fogar San Rafael para participar nos actos de celebración que organizar por mor da festividade de San Juan de Dios. O evento contou coa habitual exhibición dos bombeiros municipais e a actuación do grupo de gaitas do centro.
O prazo para estas rutas do "Camiño a Camiño" ábrese o vindeiro luns, 7 de marzo
venres, 4 mar 2011
"Na pequeruta polo Lagares", que se celebra o 12 de marzo, será preciso facilitar os datos dos rapaces telefonicamente no 010 pero tamén entregar o día da saída un consentimento informado. "Na ruta do Foxo do Lobo" haberá que preinscribirse no 010 ata o 11 de marzo. Os preinscritos deberán asistir a unha reunión informativa que terá lugar en Vigozoo o 15 de marzo. O programa "Camiño a Camiño" é unha iniciativa da Concellería de Medioambiente que dirixe Chus Lago.
venres, 4 mar 2011
O mercado de produtos tradicionais galegos que organiza a Concellería de Patrimonio Histórico no Paseo de Alfonso celebrará a sétima edición o vindeiro domingo, 6 de marzo. Segundo informa o concelleiro de Patrimonio Histórico, Eudosio Álvarez, nesta ocasión a feira vestirase de Entroido e contará cun ambiente de romaría con filloas, orellas, polbo e viño ecolóxico, entre outros produtos, pero tamén se poderá participar nun obradoiro de reciclaxe de xabróns de 12 a 13.30 horas.
venres, 4 mar 2011
A exposición "Quiñones de León: unha nova pinacoteca para Galicia", que dende o pasado mes de novembro se pode visitar na Casa das Artes, pechará o vindeiro luns, 7 de marzo, por mor dos traballos de montaxe da nova Pinacoteca. Organizada polas concellerías de Patrimonio Histórico e Cultura, a mostra recibiu dende o 26 de novembro de 2010 ao 2 de marzo de 2011 un total de 3.734 visitantes, que puideron ver o avance da exposición permanente que albergará o novo centro cultural vigués.
venres, 4 mar 2011
O concelleiro de Deportes, Xabier Alonso, anunciou hoxe os prezos para a Copa do Rei de balonmán, que se disputará do 6 ao 10 de abril no pavillón das Travesas. A venda de localidades porase en marcha o vindeiro luns, 7 de marzo e segundo afirmou o concellerio nacionalista, serán prezos "asequibles para o público en xeral" con descontos para os Siareiros. Barcelona Borges, defensor do título, o vigués Academia Octavio, Reale Ademar de León, Cuatro Rayas Valladolid, CAI Aragón, Fraikin Granollers, Amaya Sport San Antonio e Renovalia Ciudad Real serán os participantes.
venres, 4 mar 2011
O Auditorio Municipal acollerá o domingo, 6 de marzo, a obra para público familiar "Cinderela mix", que interpretará Artello Teatro ás 12 e ás 18 horas. A representación enmárcase dentro do programa "Vigo a escena" que organiza a Concellería de Cultura e o prezo das entradas é de 3 euros para os nenos e nenas ata 12 anos e 5 euros para os maiores. Pódense adquirir na web www.laboleteria.es ou na taquilla unha hora antes do comezo da actuación.
Escola municipal de artes e oficios
venres, 4 mar 2011
Ata o día 26 de marzo permanecerá aberta ao público na sala de exposicións da Escola –Espazo EMAO-- a mostra colectiva "Proxecto apertura", con 50 obras seleccionadas do alumnado actual e recente da Escola Municipal de Artes e Oficios.Horario: de martes a sábado de 19 a 21 horas<br />
Igualdade
venres, 4 mar 2011
Con motivo da celebración do Día Internacional da Muller, que se conmemora o día 8 de marzo, o Consello Municipal da Muller e maila Concellería de Igualdade do Concello de Vigo convocan este concurso, co fin de fomentar unha maior implicación e concienciación cidadá a favor da igualdade de oportunidades entre homes e mulleres así como servir de canle para amosar as achegas que ao longo da historia fixeron e fan as mulleres ben de xeito individual ou colectiva.
Promoción Económica e Emprego
venres, 4 mar 2011
A Concellería de Promoción Económica e Emprego, no marco do Plan Municipal de Emprego de 2008-2011, abre o prazo de presentación de solicitudes para participar no proceso de selección para os seguintes postos de traballo: peòns, oficiais e capataces.O programa de integración laboral está destinado a persoas en desemprego con necesidades económicas e sociais, para a realización de obras públicas e servizos de interese municipal.
Cultura e Animación Sociocultural
venres, 4 mar 2011
Co gallo das actividades programadas para o Entroido 2011 que terá lugar en Vigo do 4 ao 9 de marzo adoptaranse as seguintes medidas en materia de tráfico e seguridade:
