luns, 1 feb 2021
O Concello de Vigo é un modelo de integridade e transparencia na contratación pública segundo un Código de Boas Prácticas elaborado por un grupo de expertos independentes como foro dentro da FEMP para intercambiar experiencias e casos de éxito que sirvan de exemplo ás entidades locais de toda España. O Plan de Integridade na contratación pública do Concello de Vigo xa recibiu o ano pasado o X Premio CNIS.
xoves, 28 xan 2021
A Xunta de Goberno Local aprobou o expediente de contratación por procedemento aberto do servizo de supervisión do funcionamento da venda ambulante nos mercados de Bouzas e Coia. Amais, autorizou a realización de obras no edificio da antiga Escola de Comercio.
xoves, 28 xan 2021
A Xunta de Goberno Local aprobou este xoves a contratación da segunda fase da implantación da senda peonil e ciclista entre Urzáiz e Teis, pola antiga vía do tren. Segundo informou Abel Caballero, contando co abonado pola parte xa aberta, o Concello adicará 3,4 millóns á transformación de 3,6 quilómetros de trazado.
xoves, 21 xan 2021
Abel Caballero informou este xoves de que a Xunta de Goberno Local vén de aprobar o proxecto de instalación dun elevador ata a unión de Urzáiz con Vía Norte, cun orzamento de 424.000 euros e cinco meses de obras.
xoves, 14 xan 2021
O Concello executará a segunda fase da humanización desta rúa cun orzamento de 317.000 euros que se suman aos 307.000 euros da primeira parte. As inversións de mellora realizadas nesta zona de Teis ascende a 4,5 millóns.
xoves, 7 xan 2021
O equipo dirixido por Abel Caballero aprobou este xoves os proxectos básico e de execución, trámite previo á licitación do concurso público para acometer a renovación do céspede artificial e das instalacións de luz e enerxía do terreo de xogo de Cabral.
martes, 29 dec 2020
A Xunta de Goberno Local deu o visto bo á concesión directa de subvención á Diocese Tui Vigo para a restauración desa infraestrutura que se atopa deteriorada. Ademais, aprobou axudas para o atletismo e a lista de admisión e exclusión da Oferta de Emprego Público para a categoría de condutor bombeiro.
mércores, 23 dec 2020
A Xunta de Goberno Local deu luz verde á posta en marcha do programa municipal para arrumbar medianeiras e outros elementos verticais con incidencia sobre a vía pública ao abeiro do cal xa se realizaron 133 murais na cidade.
venres, 18 dec 2020
O contrato foi adxudicado para os próximos cinco anos, co encargo de conservar todos os parques infantís, biosaudables, pistas deportivas, de skate, fontes ornamentais, bebedeiros, bancos e as piscinas de Samil. O alcalde explicou que se inclúe a obriga de subrogar vinte empregos.
luns, 14 dec 2020
Vigo conta co Centro de emerxencia para mulleres vítimas da violencia de xénero, para toda Galicia, que financia o Concello con 241.000 euros. A Xunta de Goberno Local vén de aprobar a cesión temporal dunha vivenda da rede municipal de pisos de protección para mulleres vítimas da violencia de xénero.
