A Xunta de Goberno Local aprobou na sesión deste xoves os convenios coa Deputación Provincial de Pontevedra que inclúen 26 actuacións conxuntas no rural ás que se suman outras tres humanizacións conveniadas no centro da cidade. Abel Caballero e Carmela Silva destacan a importancia da cooperación de ámbalas institucións.
A Xunta de Goberno Local aprobou este venres os proxectos de humanización de 22 rúas da área rural e, na contorna urbana, o proxecto de humanización das rúas Julia Minguillón e Vista Alegre que ten un orzamento superior a un millón de euros.
O goberno de Vigo acordou este venres interpoñer un recurso contencioso-administrativo contra a resolución de 29 de xullo de 2020 do xerente do Consorcio Galego de Servizos de Igualdade e Benestar pola que se obriga ao Concello a abonarlle máis de 100.000 euros polas escolas infantís que xestiona o ente autonómico en Valadares e rúa Palencia.
Abel Caballero informou este venres da resolución da convocatoria de subvencións a entidades deportivas pola súa actividade na pasada tempada, da que 185 clubs de base resultaron beneficiarias. Ademais, a Xunta de Goberno Local instalará no pavillón da ETEA unha nova pista para ximnasia acrobática.
A Xunta de Goberno Local deu luz verde este xoves a varios proxectos de humanización, entre os que destaca a rúa García Barbón, entre Rosalía de Castro e Isaac Peral que ten un orzamento de 2,2 millóns de euros e varios proxectos no rural de Vigo.
O Concello de Vigo sacará a licitación de forma inmediata a humanización da rúa Taboada Leal, entre Rúa Don Bosco e Venezuela, despois de que a Xunta de Goberno Local aprobase o proxecto. A obra sairá a concurso cun prezo de 565.000 euros e o prazo de execución é de sete meses.
Anunciouno este xoves o alcalde, unha “subida cero” euros nas taxas e impostos municipais do ano próximo que engade exencións de pagos na ocupación de vía pública e nas licenzas de obras, primeira ocupación e actividade, e rebaixas do 20% no ICIO das obras en locais comerciais e vivendas.
Logo de pasar pola Xerencia de Urbanismo, a Xunta de Goberno Local validou este luns os convenios urbanísticos por cesión gratuíta dos terreos afectados pola execución do proxecto de humanización da estrada de Porto-Beade. Abel Caballero puxo en valor que Concello e Deputación adican 3,5 millóns á reforma.
Segundo avanzou Abel Caballero, o Concello validará o luns os traballos para construír a nova saída á autoestrada en túnel desde a rúa Lepanto, as conexións da AP9 co centro Vialia e a terminal de autobuses, e o derrubo do paso elevado de Alfonso XIII. Tamén adxudicará a humanización dos espazos intersticiais. En total, obras por máis de 13 millóns de orzamento.
A Xunta de Goberno aprobou este xoves o proxecto de humanización da Avenida de Europa que inclúe carril bici con medianeira e zonas verdes, na marxe dereita do tramo comprendido entre Tomás Paredes e a Avenida de Samil. Segundo o alcalde, a nova avenida será “un bulevar urbano”.