martes, 7 nov 2017
O alcalde visitou este martes a rúa, que vén de ser humanizada polo goberno vigués entre as rúas Xílgaro e Gregorio Espino, por importe de case 1,2 millóns. Como elementos singulares, Caballero subliñou a incorporación deste pavimento que absorbe CO2 e a posta en valor do entorno con información das aves que dan nome aos viais do barrio.<br />
luns, 6 nov 2017
Cun investimento total de 6,5 millóns de euros, Abel Caballero inaugurou este luns pola mañá a Avenida logo da obras realizadas nun tramo de case medio quilómetro e anunciou o comezo da última fase da humanización.
venres, 27 out 2017
A Xunta de Goberno Local aprobou a clasificación de ofertas para a contratación do ascensor panorámico que conectará a rúa San Salvador coa Praza Isabel A Católica dentro do programa Vigo Vertical. Ademais, deuse o visto bo ao convenio coa Consellería de Ordenación do Territorio para o financiamento da redacción do PXOM ata un máximo do 50%.
xoves, 26 out 2017
O alcalde informou este xoves da activación deste plan -aprobado polo goberno de Vigo en outubro de 2011- que inclúe a supresión de regos, baldeos e fontes, entre outras. Caballero apuntou que o subministro está garantido 104 días mais é preciso un aforro de auga "de verdade", polo que solicitará a adopción das mesmas medidas nos municipios que reciben auga dos encoros vigueses.<br />
venres, 20 out 2017
A Xunta de Goberno Local aprobou o expediente de contratación do novo proxecto do Vigo Vertical, unha completa redefinición do parque, entre outros aspectos, cun ascensor entre Torrecedeira e Pi y Margall e unha gran área infantil. O Concello adica ao efecto 2,8 millóns, explicou Caballero.
martes, 17 out 2017
A empresa que realiza as obras de Balaídos revisará toda a cuberta de Río ao detectarse un problema en 13 das 3.000 barras que forman o primeiro módulo da estrutura. Con obxectivo de garantir ao máximo a seguridade, dixo o rexedor, mañá mércores procederase a baixar a parte do módulo afectada para estudar a situación con maior rigurosidade.
venres, 13 out 2017
Caballero informou este venres da licitación -por 871.000 euros- da remodelación da rúa, que engade aos estándares habituais de calidade das humanizacións a instalación dun elevador acristalado á altura da rúa Instituto Oceanográfico. O alcalde tamén anunciou a aprobación das reformas de José Frau e Camilo José Cela.
martes, 10 out 2017
O alcalde presentou esta mañá aos comerciantes de Teis a nova praza que se vai construír na confluencia de Sanjurjo Badía coa rúas Nardos e Santander. Tal e como indicou en posterior rolda de prensa o orzamento desta nova zona de encontro cidadá elévase aos 600.000 euros e a previsión é que estea rematada nun ano.
luns, 9 out 2017
O alcalde presentou este luns á dirección de El Corte Inglés a obra que conectará Urzáiz coa Praza de España a través de once ramplas mecánicas. A reforma, que podería contratarse no segundo trimestre de 2018, incorporará elementos diferentes nos catro tramos do bulevar central, como zona WiFi ou sistemas de obtención de enerxía coas pegadas. <br />
luns, 9 out 2017
O Concello incorporará aos orzamentos de 2018 unha partida de 326.000 euros para avanzar no proxecto da estación intermodal e do túnel que vai evitar o paso elevado de Alfonso XIII. Segundo avanzou Caballero, en próximos días se convocará unha reunión co resto de implicados nesta obra: Goberno de España, Xunta de Galicia e Inmochan, empresa que vai construír o centro comercial de Tom Mayne.