Isaura Abelairas destacou hoxe xoves o esforzo municipal por dotar ao municipio dunha boa rede de saneamento que sexa quen de descargar á depuradora do Lagares e de evitar as inundacións nos meses de choivas. Dos 961 quilómetros de rede de sumidoiros que ten a cidade o concello leva 200 quilómetros revisados e outros 100 contan con tuberías novas ou reparadas.
O balance de Aqualia foi presentado hoxe martes coa presenza do alcalde, Abel Caballero, e a edil de Vias e Obras, Isaura Abelairas. O 37% de rede substituída correspóndese con saneamento, o 33% con abastecemento e o 30% restante con pluviais. A rede de abastecemento substituída incrementouse nun 111% con respecto a 2008. O consumo de auga en Vigo está por baixo da media autonómica e estatal con 130,96 litros/día.
Abel Caballero visitou hoxe luns as obras de mellora de Paulino Freire, en Bouzas, onde a humanización -que supón un investimento de 438.000 euros- creará 23 prazas de aparcamento e manterá a dobre dirección, en exclusiva para o transporte público en sentido baixada. Esta opción é posible grazas ao sistema de "semaforización preferente para autobuses", pionero en Vigo, que detecta a chegada dos mesmos e os semáforos permiten automáticamente o paso destes.
Abel Caballero, xunto con varios concelleiros municipais, acudiron este mércores ao entorno de POVISA para inaugurar as reformadas rúas de Barcelona e Sevilla. Ambas rúas foron humanizadas cos mesmos estándares de calidade que o resto, renovado o saneamento e o abastecemento, con beirarrúas de granito e distintos elementos de xardinería. A humanización do entorno de POVISA suma 8,5 millóns de investimento.
O alcalde de Vigo, Abel Caballero, inauguró hoxe a humanización da Avenida de Balaídos que afectou a unha superficie total de 10.000 metros cadrados e que, entre outras intervencións, fixo posible a posta a punto do axardinamento dun percorrido de 110 metros de lonxitude. As obras levadas a cabo contaron cun investimento de cerca dun millón e medio de euros.
Abel Caballero presidiu este luns a inauguración das rúas Baiona e Redondela, en Coia, reformas nas que o goberno local investiu 3 millóns de euros do Plan E e que deron emprego a 71 traballadores, 20 dos cales procederon das listas viguesas do paro. O alcalde mostrou a súa "satisfacción" polo resultado e subliñou asemade o mantemento no substancial das prazas de aparcamento e as dobres direccións incorporadas a demanda dos veciños.
Abel Caballero presidiu este xoves a apertura das rúas Zamora, Illas Baleares e Canarias, e Valencia, no que supón a primeira fase completamente humanizada do entorno de POVISA. A reforma,a convertiu "nunha das grandes zonas da cidade", asegurou o alcalde, quen asegurou que o entorno, agora e fai un ano, "son dúas cidades distintas". Nestas rúas plantáronse preto de 500 árbores, 150 xardiñeiras e uns 300 puntos de luz.
Abel Caballero presidiu este venres a inauguración do novo Urzáiz, unha rúa "central e emblemática" que convertese en "núcleo central de paseo". O investimento na humanización ascendeu a 3,2 millóns de euros e empregou a 66 persoas, das que 18 procederon do desemprego vigués. O alcalde avanzou que en febreiro instalaranse as luminarias fernandinas existentes, unha vez estean reparadas e encargadas as novas.
Abel Caballero encabezou a delegación municipal na inauguración da rúa Marín, en Coia, cun investimento de 1,1 millóns de euros e emprego para 39 persoas, das que 11 procederon das listas do INEM de Vigo. O alcalde mostrou a súa "satisfacción" polo resultado da mellora, que converte á de Marín "nunha das humanizacións máis fermosas de Vigo". O novo sistema circular, indicou Caballero, "mellorou substancialmente" o transporte público na zona.
O alcalde encabezou a delegación municipal que inaugurou este venres o primeiro tramo da rúa Simón Bolívar, entre Venezuela e Ecuador; unha humanización que supuxo un investimento próximo aos 500.000 euros e empregou a 13 persoas. Caballero subliñou as "características de calidade óptima" que presenta agora a rúa.