O alcalde informou de que a Consellería de Educación recibirá hoxe a comunicación favorable á súa solicitude que foi resolta, segundo declarou, "coa maior celeridade" xa que a petición foi recibida o 29 de xullo e aprobada o 3 de agosto. Con todo, Caballero urxe á Xunta a que inicie as obras de forma inmediata e que as acometa de corrido e non por fases.
O rexedor critica que na licitación para realizar a obra, que publica hoxe o BOE, se introduza un cláusula "de incerteza" que especifica que ADIF asumirá o proxecto no caso de que non haxa plan urbanístico ou licenza para construír, algo que se evitaría, dixo, se o Ministerio solicita a operatividade da Lei 3/2016 que garante que as obras poidan realizarse con independencia de que "haxa ou non Plan Xeral".
O alcalde comprometeuse a axilizar a tramitación do plan de urbanización de Navia, tras o anuncio feito pola Xunta de Galicia da construción de 1.600 vivendas protexidas no barrio, para o que xa entregou a documentación técnica no Concello. Con todo, Caballero criticou a tardanza en acometer este proxecto.
Segundo informou Abel Caballero, o goberno de Vigo vén de aprobar as bases do programa de axudas á instalación de ascensores, mellora da accesibilidade e eliminación de barreiras arquitectónicas en edificios, dotado con case 50.000 euros. <br />