O rexedor garante máxima dilixencia municipal para iniciar as obras do proxecto da Cidade da Xustiza

O alcalde constatou esta mañá que o proxecto para trasladar a Cidade da Xustiza ao antigo edificio do Xeral segue a súa marcha e avanzou a máxima celeridade do goberno local na tramitación da licenza de derrubo de parte deste edificio. Tal e como trasladou, as previsións son que estes traballos comecen o próximo mes de maio. Na comisión de seguimento da Cidade de Xustiza organizada esta mañá no edificio da Xunta en Vigo tamén estivo presente o conselleiro de Presidencia, Alfonso Rueda.