martes, 5 xan 2016
O alcalde de Vigo, a ministra de Fomento en funcións, Ana Pastor, e a conselleira de Infraestruturas, Ethel Vázquez, reuniranse o próximo luns día 11 en Madrid para abordar, entre outras cuestións, o encaixe urbanístico da estación de tren de Urzáiz, a estación intermodal, a conexión por Cerdedo e a remodelación da Avenida de Madrid. Caballero confía en que este encontro entre as tres administracións sirva "para desatascar estas cuestións".
mércores, 23 dec 2015
O alcalde visitou hoxe mércores o inmoble remodelado, deseño de Jenaro de la Fuente que agora incorpora elementos que o propio arquitecto previra mais nunca se fixeran, como por exemplo unha tanda de galerías, segundo explicou. Caballero animou á cidadanía a afrontar rehabilitacións como esta, definida como unha "xoia arquitectónica da cidade".
xoves, 17 dec 2015
A Xunta de Goberno Local e o Consello da Xerencia de Urbanismo deron o visto bo este xoves á elaboración do novo Plan Xeral de Ordenación Municipal de maneira que se inicia un proceso que, para Abel Caballero, será "excepcionalmente breve". O rexedor demandou da Xunta de Galicia solucións para a ampliación de Citroen, para a Cidade da Xustiza e para a ampliación do Parque Tecnolóxico de Valadares.
mércores, 16 dec 2015
O alcalde xa convocou as sesións da Xerencia de Urbanismo e da Xunta de Goberno Local para dar luz verde mañá xoves ao inicio da tramitación dun novo Plan Xeral de Ordenación Municipal, baseado esencialmente no de 2008 e que substitúa ao de 1993. Caballero volveu reclamar a supramunicipalidade para proxectos urxentes, como a Cidade da Xustiza.
martes, 15 dec 2015
Tras anulación xudicial do PXOM vigués contra acto administrativo autonómico, o alcalde anunciou hoxe martes que a Xerencia de Urbanismo e a Xunta de Goberno Local validarán este mesmo xoves o comezo da tramitación do novo documento urbanístico, que será debatido polo Pleno este venres. O Plan será esencialmente o de 2008, xa elaborado, para aforrar "alomenos tres anos", subliñou Caballero.
luns, 14 dec 2015
"Estou disposto" a manter un encontro con Ana Pastor "mañá mesmo". Así respondeu este luns Abel Caballero á proposta realizada pola Ministra para abordar que o tratamento urbanístico da estación do AVE de Vigo se realice por procedemento supramunicipal, unha idea coa que concorda o rexedor.
venres, 11 dec 2015
Logo do encontro mantido con representantes de 25 organizacións representativas da cidade este venres no Concello, o rexedor sinalou o "grande consenso" existente para retomar o Plan de 2008 e levalo adiante cunha tramitación rápida, solicitando a declaración de supramunicipalidade á Xunta nalgúns casos. Ademais, incidiu na vixencia das licenzas concedidas ao amparo do plan anulado polo Supremo.
xoves, 10 dec 2015
O anuncio fíxoo Abel Caballero este xoves logo de reunirse con representantes da CEP, da Cámara de Comercio e do Club Financeiro, así como con responsables da dirección de Citroën, en dous encontros nos que atopou un "consenso xeneralizado" sobre o procedemento a seguir empregando o Plan de 2008 como elemento central do urbanismo vigués.
luns, 7 dec 2015
Caballero adicará esta semana a reunións con colectivos da cidade -como as celebradas este luns con sindicatos e colexios de abogados, aparelladores e arquitectos- e será na próxima cando o goberno de Vigo adopte "decisións" para "minimizar o impacto" da anulación xudicial do Plan Xeral. O alcalde considera "moi importante a cooperación doutras administracións" para acortar a tramitación urbanística.
