Esta nova dotación deportiva estará emprazada en Quirós, entre as rúas Dona Cristina e Continos, e acollerá unha pista multiusos para balonmán, baloncesto, fútbol sala e volei, un ximnasio e vestiarios, ademais dunha cancha de baloncesto e prazas de estacionamento en superficie, segundo explicou este mércores o alcalde.
O alcalde deu conta esta mañá do acordo coa Comunidade de Montes de Cabral para expropiar os terreos precisos para ampliar o Ifevi. Deste xeito, o Concello axiliza ao máximo os trámites e o alcalde reclama á Xunta maior dilixencia para iniciar as obras canto antes.
Segundo informou Abel Caballero, o goberno de Vigo elaborará un proxecto para mellorar as rúas Ribadavia, as primeiras travesías e a comunicación coa rúa Colombia. A Xerencia de Urbanismo aprobou hoxe xoves a incoación da contratación das obras.
Na Xerencia de Urbanismo de mañá mércores darase conta da adxudicación das últimas vivendas pendentes de venta en República Arxentina, por un valor de 777.000 euros. O alcalde aclarou que o montante do alleamento das 40 vivendas ascende a 5.521.000 euros, recursos que serán usados "en accións para a cidade". <br />
Co apoio unámime do Pleno celebrado este mércores, o levantamento da suspensión de licenzas afecta a 24 núcleos do municipio olívico nos que se poderán construír vivendas unifamiliares, segundo expuxo a concelleira María José Caride.
O segundo tenente de alcalde, David Regades, participou este martes na comisión de seguimento do proxecto da nova cidade xudicial, onde entregou ao equipo técnico a licenza municipal que autoriza as demolicións exteriores e interiores precisas para a rehabilitación do antigo Hospital Xeral.
Abel Caballero informou este luns da licenza concedida autorizando a demolición de distintas zonas do antigo Hospital Xeral, como primeira parte da rehabilitación do inmoble como sede das dotacións xudiciais na cidade. "Con esta licenza iníciase a obra da nova Cidade da Xustiza de Vigo", manifestou o alcalde.
O Concello, explicou o alcalde, procura así salvar a anulación do PXOM de 2008, subsanando deficiencias do Plan do 93 agora en vigor, blindando zonas de ordenación especial e polígonos con licenza no Plan de 2008, e ordenando ámbitos de especial interese, como o Porto de Vigo.